Prezidente Autoridade Munisípiu Covalima, Sr. Miguel Armada Cardoso, akompaña hosi Sekretáriu Administrasaún Finansas, Alberto Moniz de Araújo, Sekretáriu Planeamentu Investimentu Dezenvolvimentu Integradu Sr. Caetano dos Santos Ribeiro, Sekretáriu Munisipál Asuntu Sosiál no Organizasaun Komunitaria, Sr. Filomeno Cardoso, prezide serimónia Isár Bandeira Nasionál iha semana dahuluk fulan Janeiru tinan 2026.
Prezidente Autoridade Munisípiu Covalima, Sr. Miguel Armada Cardoso, hato’o ninia diskursu “Apela ba Diretor/a Servisu Munisipal 19, Xefe departamentu nain 37 no Diretor/a no koordenador delegasaun territorial no Funsionariu (Publiku, AAP no Kazuais) sira hotu no Administrador Postu Administrativo Suai ho ninia estrutura atu iha tinan 2026 hatudu dezempeñu ne’ebé di’ak, primeiro hakarak ka lakoi tenke iha planu rekursu, atu hala’o, atu hahú, husi tempu ba tempu.
Kontribuisaun ida di’ak, kontribuisaun dahuluk atu hahú halo saida! Hodi ajuda Prezidente. Prezidente Auoridade ho ninia estrutura tomak atu haree tuir no kontrola atividade servisu munisípal no servisu delegasaun teritorial sira hotu. Planu rekursu ida ne’ebé kapas hodi implementa no labele ses husi ita boot sira nia tarefas.
Husu mos ba Funsionariu Sira hotu (Publiku, AAP no Kazuais) tenke hatudu disiplina, liu-liu ba kargu xefia sira tenke sai autor ba disiplina. Alende ida ne’e presiza toma atensaun ba iha vistuariu ne’ebé uja iha momentu isar bandeira, tamba bandeira RDTL sosa hodi ruin ho ran, ne’e duni hahú agora disiplina ita nia a’an. Dirasaun ida-ida atu kuidadu ninia komportamentu hodi hahú hatudu ita nia Dezempeñu di’ak liu husi rekursu ne’ebé ita iha no planu rekursu ne’ebé kapas hodi hasa’e kualidade servisu iha kada dirasaun ida-ida iha tinan ne’e. Prezidente Autoridade Salienta tan katak Halo sala dala ida, ne’e hatudu katak desizaun, maibe halo sala dalarua, ne’e laos desizaun. Ne’e toman aat. Ne’e duni husu entusiasmu nafatin atu servisu, disiplina iha servisu, la dependensia ba ema seluk, hahú hosi ita a’an rasik.
Iha tinan 2026 nia laran presiza revolusaun mental, basa mentalidade ladi’ak sira husik hela ho tinan tuan. Revolusaun mental hanesan mudansa iha ita nia hahalok, mudansa iha ita nia planeamentu no mudansa iha buat hotu-hotu. Tamba “ Asaun ne’ebé forti, mai husi pensamentu ne’ebé sertu, pensamentu ne’ebé sertu, hodi sai autor ba dezenvolvimentu.
Iha sorin seluk matenek nain balu hatete tan ho lian Português “ O pensamento, levar os sentimentos, o sentimento levar a acção, e a acção levar os rezultados “.
Se mak lakoi iha rejultadu di’ak ne’e! hanoin ne’ebé mak di’ak ne’e! lori ita ba di’ak, bem sentimentus, sentimentu ne’ebé kapas mak atu halo asaun, asaun ne’ebé kapas, atu hatudu rejultadu ne’ebé di’ak. Liu husi hatudu ita nia rejultadu ne’ebé di’ak, ejatamente oan no beioan ba povu covalima ida ne’e sei senti dezenvolvimentu.
Hanesan Prezidente Autoridade hato’o agradesementu boot ba imi hotu, durante tinan ida nia laran (2025) ita ninia atividade la di’ak liu, la at liu, ita nia ezekusaun to’o iha 92.2% bele dehan susesu. Tamba parte hotu-hotu kolabora maske di’ak no aat, nudar Prezedente Autoridade Munisipiu sempre fó liafuan kro’at, ho siak, ho hirus, ida ne’e mak nudar ukun nain, hakarak ka lakoi tenke ser siak. La siak, la hirus, buat hotu la la’o ba oin.
Nudar Prezidente Autoridade nafatin fó biban mos ba imi hotu, ba imi hotu presiza mos iha kolaborasaun, komitmentu, tenke ser iha komunikasaun di’ak, iha konspirasaun, fo toleransia ba malu, liu husi meu sira ne’e ita hotu sei hala’o atividade ho efisiensia no efikasia hodi hateke ba futuru Covalima.
Serimónia isar bandeira ne’e hala’o iha, resintu Autoridade Administrasaun Covalima, ne’ebé partisipa hosi, Comando Munisípiu Covalima, Diretores/as Servisu Munisipais, Doretores/as Servisus Delegasaun Territoriál, Xefe Departamentus inklui funsionárius sira.
Coppyright hosi portal Munisípiu Covalima
𝐂𝐨𝐯𝐚𝐥𝐢𝐦𝐚, 𝟏𝟔 𝐃𝐞𝐳𝐞𝐦𝐛𝐫𝐨 𝟐𝟎𝟐𝟓,
Excelentisimu Sekretariu Ezekutivu ST-PNDS, Sr. 𝐀𝐦𝐚𝐧𝐝𝐢𝐨 𝐏𝐚𝐮𝐥𝐢𝐧𝐨 𝐆𝐚𝐬𝐭𝐚̃𝐨 𝐝𝐨 𝐑𝐨𝐬𝐚𝐫𝐢𝐨 𝐝𝐞 𝐒𝐨𝐮𝐬𝐚, Hamutuk ho Diretur Jeral INAP, Sr. 𝐏𝐨𝐥𝐢𝐜𝐚𝐫𝐩𝐨 𝐀𝐦𝐢𝐥𝐜𝐚𝐫 𝐁𝐨𝐚𝐯𝐢𝐝𝐚 𝐒.𝐏𝐝, Diretora Jeral SEATOU, Sra. 𝐎𝐝𝐞𝐭𝐞 𝐌𝐚𝐫𝐢𝐚 𝐅𝐥𝐨𝐫𝐢𝐧𝐝𝐨, Assesor PARTSIPA, Diretur Nasional Apoiu Instalasaun Munisípius (MAE) Sr. 𝐆𝐚𝐬𝐩𝐚𝐫 Hunu Gusmao forma Ekuipa Avansado tuir Despacho Sua Exeléncia Ministru Administrasaun Estatal (MAE) Númeru 48M.MAE/XII/2025 data 5 de setembro de 2025 hodi hala’o avaliasaun kondisaun mínimu iha Autoridade Munisipiu Covalima.
Avaliasaun kondisaun mínimu ne’e hola parte esforsu husi Ministeriu Administrasaun Estatal MAE nian atu garante katak Autoridade munisipál sira hala’o sira-nia knaar ho kualidade, transaparante, responsabilidade, tuir kritériu ne’ebé estabelese ona.
Avaliasaun kondisaun minimu ne’e prefere liu ba iha Presidenti Autoridade Munisípiu, Secretário Municipal dos Assuntos Sociais e as Organizasões, Sekretário Munisipal da Administrasão e Finanças, Sekretário Municipal de Planeamento e Desemvolvimento Integrado, Diretor/a Servisu Munisipal 19, no Kargu Xefia 96 iha Autoridade Municipio Covalima relasiona ho kondisaun ne’ebé eziste iha Munisípiu Covalima hodi prepara ba Desentralizasaun Administrativa no Podér Lokál.
Ekuipa Avaliador sira halo avaliasaun kondisaun minimu ne’e jeralmente kobre área hotu ne’ebé inportante ba funsionamentu iha Autoridade munisípiu Covalima diskuti hamutuk ho Dirijentes Munisípiu sira haree ba dokumentasaun legal ne’ebé implementa maka foka liu iha area espesializada sira hanesan Jestaun Finanseira, relatóriu finanseiru, no asegura transparénsia ho akuntabilidade, Administrasaun no Rekursu Umanu, planeia ba atendimentu públiku, no efisiénsia servisu administrativu sira. Dezenvolvimentu Infra-estrutura Avalia kondisaun no jestaun ba projetu infraestrutura lokál, hanesan estrada, ponte, edifísiu públiku, transporte públiku no Mobiliarius sira ne’ebé utiliza iha Autoridade Municipal aleinde ne’e mós deskute kona ba Prestasaun Servisu Báziku Avalia oinsá munisípiu fasilita no asegura fornesimentu servisu esensiál ba komunidade, hanesan edukasaun, saúde, no saneamentu.
Atividade avaliasaun ne’e, hala’o iha Salaun Internál AMC ne’ebé dirije direita hosi Prezidente Autoridade Munisipíu Covalima, Sr.Miguel Armada Cardoso,Lic. Eco ho ninia lala’ok iha sesaun dahuluk nian, intervista Jerál husi Ekipa Avaliador, faze segundu halo diskusaun ho diresaun servisu munisipál, no komprova ho dokumentu hanesan evidénsia atu bele konvense hodi haree prosesu servisu durante ne’e, hafoin ikus liu ekipa avaliador halo vizita ba iha terenu hodi haree Projetu sira ne’ebé implementa iha terenu.
Projetu sira ne’e maka, hanesan Programa Nasionál Dezenvolvimentu Suku (PNDS) no Planu Dezenvolvimentu Integradu Munisipal (PDIM) iha Munisipiu Covalima, iha área Edukasaun sei hare’e progresu implementasaun obra Ensinu Pre-eskolar, Ensinu baziku no implementasaun Merenda Eskolar; iha área Agrikultura hare’e liu kona-ba Irigasaun no Servisu Agríkola iha Munisipiu Covalima; área Obras Publika sei hare’e kona-ba konstrusaun ba Estrada Rural; área Saúde hare’e liu ba kondisaun Sentru Saúde, sei monitoriza mós atividade iha Setor Be’e no Saneamentu inklui Kondisaun Edifisiu Postu Admnistrativu no Sede Suku iha Munisipiu Covalima.
(𝐌𝐞́𝐝𝐢𝐚 𝐏𝐀𝐌 𝐂𝐨𝐯𝐚𝐥𝐢𝐦𝐚).
(Portal Munisipal Covalima).
𝐂𝐨𝐯𝐚𝐥𝐢𝐦𝐚, 𝟐𝟕 Novembro 𝟐𝟎𝟐𝟓, Autoridade Munisipal Covalima (AMC) akompña hosi Ministériu Turismu no Komersiu (MCI) no Diresaun Geral Dezenvolvimentu Lokal, hamutuk ho Funsionariu Munispiu Covalima, Komunidade, no entidade sira seluk, realiza misa agradesimentu ba loron Aniversariu Proklamasaun Unilatéral Independensia Republika Demokratika de Timor-Leste (28 Novembru 1975-2025) ba dala-50, iha Igreja Ave Maria Suai.
Hafoin missa hotu, Autoridade Munisipiu Covalima hamutuk ho entidade sira, kontinua hala’o prosesaun, hodi ba fo Omenajem ba Heroi da Patria sira hotu, simbolikamente tau Ai-Funan no Sunu Lilin iha Monumentu Setembru Negru Suai.
(𝐌𝐞́𝐝𝐢𝐚 𝐏𝐀𝐌 𝐂𝐨𝐯𝐚𝐥𝐢𝐦𝐚).
𝗖𝗼𝘃𝗮𝗹𝗶𝗺𝗮, 𝟮𝟲 Novembro 𝟮𝟬𝟮𝟱, Prezidente Autoridade Munisipiu Covalima (PAM) Sr.Miguel Armada Cardoso hamutuk ho Diretor Jeral Dezenvolvimentu Lokal, Sr. Virgílio da Costa, hetan vijita kortezia hosi Konselor distric Manawatu, Mr. Andre iha ADM, iha vijita ne’e parte rua halo diskusaun hamutuk hodi koalia konaba oinsa atu servisu hamutuk iha futuru entre Covalima no Manawatu, liu-liu iha Setor Agrikultura no Pekuaria.
Prezidente Autoridade Munispiu Covalima, Sr.Miguel Armada Cardoso hato’o, Covalima fatin ida, ne’ebe mak iha poténsial tebes ba área Agrikultura no Pekuaria, nune’e mos Covalima hanesan liña fronteira ho nasaun Indonezia. Além de ne’e Covalima iha rekursu mina rai no mos iha tasi ho pursenu 85 ninia komunidade nu’udar Vida agrikutór.
“Hirak ne’e hotu, ami garantia ho sorumutu ida ne’e, hakarak levanta ba Señor, oinsá bele servisu ida di’ak iha Munispiu covalima, autoridade sira mos prontu atu sai parseiru ne’ebé di’ak ho Diatrik Manuwatu,”
Prezidente introdus, iha tinan 1999 Militar Nova zelandia mos tulun populasaun Covalima, wainhira iha tempu funu laran, tanba ne’e dala ida tan, Prezidente hato’o agradese tebes ba vizita kortejia ida ne’e, vizita ida ne’e la too, maibé persija nafatin tulun hosi Nova zelandia, hodi bele apoiu parte tékniku oinsa bele halo produsaun di’ak liu iha Agrikultura no Pekuaria.
“𝑰𝒎𝒑𝒐𝒓𝒕𝒂𝒏𝒕𝒆 𝒕𝒆𝒃𝒆𝒔, 𝒎𝒂𝒌𝒂 𝒂𝒎𝒊 𝒉𝒖𝒔𝒖 𝒐𝒊𝒏𝒔𝒂́, 𝑱𝒐𝒗𝒆𝒏 𝒇𝒆𝒕𝒐 𝒏𝒐 𝒎𝒂𝒏𝒆 𝒃𝒆𝒍𝒆 𝒃𝒂 𝒔𝒆𝒓𝒗𝒊𝒔𝒖 𝒊𝒉𝒂 𝑵𝒐𝒗𝒂 𝒛𝒆𝒍𝒂𝒏𝒅𝒊𝒂, 𝒊𝒅𝒂 𝒏𝒆’𝒆 𝒎𝒂𝒌𝒂 𝒂𝒎𝒊 𝒏𝒊𝒂 𝒆𝒔𝒑𝒆𝒓𝒂𝒏𝒔𝒂 𝒌𝒂𝒕𝒂𝒌, 𝒃𝒂 𝒐𝒊𝒏 𝒂𝒎𝒊 𝒉𝒆𝒊𝒏 𝒐𝒊𝒏𝒔𝒂 𝒊𝒕𝒂 𝒔𝒆𝒓𝒗𝒊𝒔𝒖 𝒉𝒂𝒎𝒖𝒕𝒖𝒌 𝒏𝒐 𝒂𝒎𝒊 𝒑𝒓𝒐𝒏𝒖 𝒂𝒕𝒖 𝒔𝒆𝒓𝒗𝒊𝒔𝒖 𝒉𝒂𝒎𝒖𝒕𝒖𝒌 𝒉𝒐 𝑵𝒂𝒔𝒂𝒖𝒏 𝑵𝒐𝒗𝒂 𝒛𝒆𝒍𝒂𝒏𝒅𝒊𝒂 𝒍𝒊𝒖-𝒍𝒊𝒖 𝒊𝒉𝒂 𝑩𝒂𝒊𝒓𝒐 𝒊𝒅𝒂 𝒏𝒂𝒓𝒂𝒏 𝑫𝒊𝒔𝒕𝒓𝒊𝒄 𝑴𝒂𝒏𝒖𝒘𝒂𝒕𝒖,”
Nune’e, Konselor distric Manawatu, Mr. Andre hato’o sente kontente tebes, tamba autoridade munisipiu covalima hamutuk ho nia funsionairiu sira, simu ho di’ak tebes.
Nia hato’o, Distritu Manuwatu koñesidu liu ho toos, no fatin mos kuaze atu hanesan iha Covalima, hakarak informa katak komunidade Manuwatu barak maka halo toos.
“Iha Manuwatu mos, ami iha Karau barak, ami mos iha industria susu ben no Kezu ne’ebé halo hosi susu ben karau, ami hanesan mos nasaun foun ida, ne’ebé mak iha tinan 150 liu ba, ami transforma Floresta/ai laran ba area Agrikultura,”
Espera ho kooperasaun ne’e, ba oin bele di’ak liu tan, atu dezenvolve setór agrikultura, hodi hasa’e produsaun as, nune’e bele hatudu rezultadu di’ak ba Manuwatu no Covalima rasik.
(𝙈𝙚́𝙙𝙞𝙖 𝙋𝘼𝙈 𝘾𝙤𝙫𝙖𝙡𝙞𝙢𝙖).
Iha loron 01 fulan-Jullu tinan 2025, Prezidente Autoridade Munisípiu Covalima, Sr. Miguel Armada Cardoso, hamutuk ho Secretário Municipal dos Assuntos Sociais e as Organizações, Sr. Filomeno Cardoso, Administrador do Posto Administrativo de Tilomar, Sr. Venancio Sarmento, Diretor do Serviço Municipal de Proteção Civil e Gestão de Desastres Naturais, Sr. João Martins, no Diretor do Serviço Municipal de Património e Logística, Sr. Aquinelio A. B. do Rego, ho Xefe Departementu sira, halo vizita no entrega apoios humanitárius ba Uma Mahon Salele, ne’ebé gestiona hosi Kongregasaun Madre SOM St. Rosa.
Apoiu sira ne’e inklui Aihan (fos, supermi, biskuit no sardina) no Laos Aihan (manta, toália, pasta denti, sabaun no rinso), ho intentu atu sustenta Uma Mahon nian iha prosesu kuidadu labarik sira, aumenta kondisaun higiene no hadia moris lor-loron labarik sira iha instituisaun ne’e. Atividade ne’e reprezenta solidariedade no atensaun Autoridade Munisípiu ba labarik sira nian direitu sira.
________________________________________
Copyright.by Pontu Vocal Portal Munisipiu Covalima
Image’s Anexa
© 2026 Autoridade Munisipal Covalima
