Profile Postu Administrativu Maucatar

I. Identidade Administrador Postu Administrativu Maucatar

Naran                                  : Laurentino de Jesus,Lic.Dir

Fatin no Data Moris            : Matai, 13 de Marco de 1966

Estadu Sivil                         : Casado

Relijiaun                             : Katolika

Sexu                                   : Mane

Nasionalidade                   : Timorense

Hela Fatin Atual                : Suku Matai

Edukasaun Literaria           : Lisensiatura

Pozisaun                             : Administrador Posto Administrativo Maucatar

Nú. Telefone /wa                : 77304182/75694573

Email                                  : –

II.Profile Postu Administrasaun Administrativu Maucatar

a. Introdusaun

Liafuan Maucatar mai husi kolonialista Português, so liafuan lolos tuir kultura mak Maucatar. Husi Maucatar iha ukun nen ou lulik nen. Ho liafuan tataek tolu balu ba no tolu balu mai mak hanesan: Tolu Balu Ba mak hanesan (Oburo, Jobah no Labarai) no Tolu Balu Mai mak hanesan (Goronto, Foho Rua No Matai). Ida ne’e mak hanaran Maucatar, maibe ohin loron ema ukun tolu balu mai mak sei tuba nafatin.

b. Baze legal Posto Administrativo Maucatar

Baze legal ne’ebe halo maucatar sai  zona Maucatar  mak tuir mai ne’e :

 Iha biban ida bainhira Maun Bo’ot Xanana Gusmão nudar Presidente CNRT, Sua Ex.cia halo vizita mai iha Covalima e nia iha tempu no biban ba liu iha Suku Matai hodi hare direitamente ho ninia matan iha Aldeia Matai ne’e. Iha tempu ne’e kedas loron 11 de Março de 2000, Secretário Nurep Matai hato’o Historia no kronolojia Maucatar nian ba Maun Bo’ot Xanana Gusmão nudar Presidente CNRT . Entaun ita nia maun bo’ot Xanana Gusmão nudar Presidente CNRT deside katak ohin loron 11 de Março, loron ida ita nia saudozu komandante Conis Santan nia loron mate, hori ohin ba oin emi nia Zona Maucatar sai Zona ida hanesan Zona sira seluk. Desijaun husi maun bo’ot Xanana Gusmão. Iha loron  11 de Março tinan 2000  posto maucatar sai duni zona Maucatar.

C. Vizaun no misaun Posto Administrativo Maucatar

Posto Maucatar, nu’udar parte ida husi Municipio Covalima, iha Vizaun no Misaun atu Promove dezenvolvimento Lokal ne’ebe sustentavel, Servi Komunidade ho Integridade, no hametin seguransa no Koezesaun sosial iha área refere

Vizaun :

• Transforma Maucatar nu’udar fatin ne’ebe dezenvolvidu, ho Kualidade moris di’ak ba Komunidade, sustentavel no Seguru.

Misaun

• Prestasaun Servisu : Fo atendimentu Administrativo ne’ebe efisiente, transparante, no kualidade ba sidadaun hotu.
• Dezenvolvimentu : Promove dezenvolvimetu infrastrutura bázika no setor produtivu ( Agrikultura ) atu hasa’e Ekonomia Lokal.
• Sosial : Hametin Koezesaun Sosial, Kultural no Seguransa Komunitaria.
• Jestaun :Jere Rekursu Lokal Sira ho responsabildade no sustentavel

d. Tarefa servisu Administrasaun Postu Administrativu Maucatar

Administrasaun  Posto Administrativo Maucata, Municipio Covalima, Responsavel ba Kordenasaun Administrasaun Lokal, Atendimento Publiku ba Komunidade. Funsionario sira responsabiliza ba Servisu Administrasaun Loroloron nian iha Edificio Posto Administrativo Maucatar.

Tarefa Prinsipal Servisu Administrasaun Posto Administrativo Maucatar :

• Kordenasaun Administrativu : Jere Administrasaun Posto nian, ne’ebe kordena ho admionistrador Posto administrativo.
• Atendimentu Publiku : Fasilita Nescessidade Administrasaun Populasaun nian iha Suku Sira.
• Monitorizasaun : Programa PNDS, Grande Projetu Rehabilita Estrada Fohorua-Leogore.

III. Mapa Postu Administrasaun Administrativu Maucatar

 IV. Istoria  Administrasaun Posto Administrativu  Maucatar

• Husi kultura no hari Postu ida ne’e iha tempu anterior no tempu atual.
  • Husi tempu anterior nian: Primeiru hari Postu Administrativu ida ne’e iha tinan 1925; e Administrador do Posto ne’ebe Lidera Postu Administrativu ida ne’e naran: Caras Mean. Administrador do Posto sira ne’e troka malu to’o dala hitu (7) e ikus liu mak Administradodo Posto naran: Clementino Guterres iha tinan 1946-1948. Husi itnan ida ne’e ba oin Postu Administrativu lakon ou muda, entaun Maucatar malae Português haruka Liurai mak ukun to’o Liberdade mosu iha Timor Leste. Hotu tiha ida ne’e mosu fali Partidu tuir Demokrasia nia haruka. Iha momentu ne’e povu Maucatar maioria mak hili Partidu Fretilin ne’ebe hakarak buka ukun rasik ân nian inklui Liurai Don Clementino Guterres. E nia rasik deside hakarak halai ba Ai-laran ho nia povu sira. Iha Ai-Laran durante tinan tolu ba tinan hat base de apoio rahun iha tinan 1978 iha tempu ne’ebe Inimigu halo persegisaun makaas iha loron no kalan, entaun povu sira balu ema kaer e balu rende e balu mos halai to’o Bandole / Ermera / Fatubesi. Iha tinan 1978 povu ho nia Liurai sira inimigu kaer iha Halik, Maucatar ema la temi kedas, tamba Governu Indonesio no Tentara Indonesio okupa no ukun tiha, entaun Maucatar lakon iha tempu neba.
• Husi tempu atual: Iha tempu okupasaun Governu Indonesio no Tentara Indonesio sira, lideransa husi Maucatar no povu Maucatar tur nonok tiha, maibe to’o tinan 1987 hahu isu maka’as ona kona ba Falintil iha Ai-Laran inklui Komandante Maun boot Xanana Gusmão. Entaun jovem ne’ebe matenek no hatene Uit-Oan historia ne’e hahu buka malu e organiza an iha Grupu e husi Grupu ne’e mak hamosu Celcom, Nurep no Zona e husi Zona ne’e mak hamosu Sub Região 12 de Outubro.
• Husi tinan 1987-1988 to’o 1990 ami jovem sira organiza ân maka’as, iha Politika Clandestina, hodi buka malu e hodi kria Unidade ida maka’as iha Maucatar no iha Covalima.
• E ami halo politika ida mos hotu-hotu tama iha politika Partai PDI hodi apoiu maka’as ba Ibu Megawaty atu halo nia sai Presidente nune’e bele apoiu maka’as ba ita Timor Leste nian.
• Iha tinan 1990 fulan Dezembru Amu Don Maubere mai iha Paroquia Ave Maria Suai hodi organiza jovem sira hodi tama iha Mudika (Muda-Mudi Katolik), entaun jovem sira komesa organiza ân hodi tama iha Organizasaun Mudika ne’e, hodi nune’e hametin liu tan unidade jovem sira nian e atenbrani liu tan, tamba banati tuir lia los Jesus Kristu nian.
• Ne’e duni iha tempu resistensia ami jovem sira submete ba iha organizasaun tolu (3) mak hanesan: Clandestina, Partai PDI no Mudika. Iha organizasaun rua ne’e mak hanesan: Partai PDI no Mudika mak estratejia Politika ida hodi satan ou hasara Politika Clandestina. Entaun ami lori organizasaun tolu (3) ne’e to’o mai ukun ân iha 1999. Ne’e duni, Zona ida ne’e hari iha tempu naruk husi tinan 1987 to’o 1994 e husi tinan 1994 to’o tinan 2001 to’o CNRT desolve.
• Iha tinan 2000 Ekipa ida husi Administrasaun Interna CNRT tun mai Suai Covalima ami la rekoñese, tamba ami tuir ou kaer Administrasaun Indonesio ninian, tamba temi Maucatar iha tempu ukun Governo Indonesio nian ema la temi Kecamatan.
• Husi Ekipa Administrasaun interna ninian hato’o ami lideransa Zona Maucatar no povu zona Maucatar rejeita totalmente, ne’e duni ami lideransa no povu Maucatar tomak hakarak hato’o ba Maun Bo’ot Xanana Gusmão katak ami iha historia forte liu husi kronolojia anterior no kronolojia atual, husi tempu colonial Português e iha tempu resistensia tomak husi tinan 1975 to’o tinan 1999.
• Husi obstaklu ka desafius hirak ne’e, ami iha biban ida bainhira Maun Bo’ot Xanana Gusmão nudar Presidente CNRT, Sua Ex.cia halo vizita mai iha Covalima e nia iha tempu no biban ba liu iha Suku Matai hodi hare direitamente ho ninia matan iha Aldeia Matai ne’e. Iha tempu ne’e kedas loron 11 de Março de 2000, Secretário Nurep Matai hato’o Historia no kronolojia rua ne’e. Entaun ita nia maun bo’ot Xanana Gusmão nudar Presidente CNRT deside katak ohin loron 11 de Março, loron ida ita nia saudozu komandante Conis Santan nia loron mate, hori ohin ba oin emi nia Zona Maucatar sai Zona ida hanesan Zona sira seluk.

V. AREA GEOGRAFIKA POSTO ADMINISTRATIVO MAUCATAR

• Postu Administrativu Maucatar ho ninia luan areal 191,40 km_­­².

Postu Administrativu ninia luan area mak hanesan tuir mai :

TOPOGRAFIKU POSTO SDMINISTRATIVO MAUCATAR

a. Iklima, Geograpia no Topograpia

• Iklima ladun manas no ladun malirin

b. Lingua ka Lian

Iha Postu Administrativu Maucatar koalia lingua Tolu Bunak Tetum Terik no Kemak, maibe maioria liu koalia lian Bunak

c. Relijiaun

• Iha Postu Administrativu Maucatar iha Relijiaun Katolika, Kristaun Protestante, Islamiku, maibe Maioria Kristaun Katoliku

VI. DIVISAUN FRONTEIRA

Parte Sul                    : Postu Suai

Parte Norte                : Alto Lebos ho Lakmaras Indonesia

Parte Leste                : Mota Raiketan

Parte Oeste               : Mota Tafara

VII. DIVISIÓN ADMINISTRATIVA

Suku hira                           : 4

Aldeia hira                         : 22

VIII. Total Populasaun Posto Administrativo Maucatar tuir dadus 2025

IX. Organograma Postu Administrativu MAUCATAR

X. Deskrisaun servisu ba  :

a. Administrador Postu Administrativu

• Halo plano ba aktividade Posto nian.
• Halo gestaun de Servisu
• Halo Supervizaun ba iha aktividade hoto-hotu
• Halo atendimento publiko
• Halao encontro iha Posto no Municipio
• Halo Monitorizasaun ba projeito nebe tama iha area Maucatar nian.

 
b. Aktividade Xefe Seksaun Servisu Administrasaun

• Arquivo carta tama no carta sai
• Halao servisu seluk nebe Administrador do Posto orienta
• Halo relatorio semenal ba Administrador do Posto
• Halo rekaptulasaun dadus populasaun nebe mai husi Suco
• Halao Administrasaun iha Edificio
• Tuir treinamento iha Municipio Covalima konaba gestaun administrasi.
• Kordena ho xefe do Suco e PAAS sira konaba Administrativo

 
C. Aktividade Xefe Seksaun Servisu Lokal Komunitaria

• Halao serviso seluk nebe Administrador do Posto orienta.
• Tuir encontru nebe hetan delegasaun husi Administrador do Posto.
• Foti dadus konaba idozos no kbit laek, e mos ema oan kiak no Desastre nian.
• Akompaña Animador hodi halo atendimento ba sira nebe simu osan Bolsa da mãe no Idozos
• Foti dadus Monografia, Demografia, Natalidade, Mortalidade no Seluk-Seluk tan.

d. Aktividade Xefe Seksaun Servisu Planeamentu

• Halo monitorizasaun ba projeito PNDS iha Sucos nomos projeito seluk
• Alista projeitu nebe tama iha area Posto Maucatar
• Halo plano Dezemvolvimento Posto nian
• Halo relatorio mensal.

e. Aktividade Xefe Seksaun Servisu Finansas

• Halo Servisu ne’ebe Administrador Orineta
• Halo Planu PAA Posto Maucatar nian
•  Halo Relatorio Ba Aktividades ne’ebe hala’o iha Posto Maucatar relasiona ho  Orsamnetu
• Halo Pedidu ba Manutensaun Edifisiu, Motorizada, Kareta, no Seluk-Seluk tan

XI. Dadus Finanseiru tuir kategoria orsamentu ne’ebé mak Postu Administrativu Maucatar uza)

XII. Lista Fasilidade/ekipamentus

 
Ekipamentu Inventáriu: ( Meza, Kadeira, Armáriu, kareta, motor no seluk tan)

Atu Asesu Relatoriu Atividade Anual 2025, favor bele asesu File PDF Anexa!!

Pontu Vokal :

1. Marcos Gusmão, Lic. Eco, M. Gest