𝐒𝐄𝐊𝐑𝐄𝐓𝐀𝐑𝐈𝐔 𝐀𝐒𝐔𝐍𝐓𝐔 𝐒𝐎𝐒𝐈𝐀𝐋 𝐍𝐎 𝐎𝐑𝐆𝐀𝐍𝐈𝐙𝐀𝐒𝐀𝐔𝐍 𝐊𝐎𝐌𝐔𝐍𝐈𝐓𝐀𝐑𝐈𝐔 𝐇𝐀𝐋𝐀𝐎 𝐀𝐁𝐄𝐑𝐓𝐔𝐑𝐀 𝐁𝐀 𝐒𝐎𝐒𝐈𝐀𝐋𝐈𝐙𝐀𝐒𝐀𝐔𝐍 𝐊𝐎𝐍𝐀-𝐁𝐀 𝐈𝐆𝐔𝐀𝐋𝐃𝐀𝐃𝐄 𝐉É𝐍𝐄𝐑𝐔 𝐍𝐎 𝐕𝐈𝐎𝐋É𝐍𝐒𝐈𝐀 𝐁𝐀𝐙𝐄𝐈𝐀 𝐁𝐀 𝐉É𝐍𝐄𝐑𝐔

𝐒𝐄𝐊𝐑𝐄𝐓𝐀𝐑𝐈𝐔 𝐀𝐒𝐔𝐍𝐓𝐔 𝐒𝐎𝐒𝐈𝐀𝐋 𝐍𝐎 𝐎𝐑𝐆𝐀𝐍𝐈𝐙𝐀𝐒𝐀𝐔𝐍 𝐊𝐎𝐌𝐔𝐍𝐈𝐓𝐀𝐑𝐈𝐔 𝐇𝐀𝐋𝐀𝐎 𝐀𝐁𝐄𝐑𝐓𝐔𝐑𝐀 𝐁𝐀 𝐒𝐎𝐒𝐈𝐀𝐋𝐈𝐙𝐀𝐒𝐀𝐔𝐍 𝐊𝐎𝐍𝐀-𝐁𝐀 𝐈𝐆𝐔𝐀𝐋𝐃𝐀𝐃𝐄 𝐉É𝐍𝐄𝐑𝐔 𝐍𝐎 𝐕𝐈𝐎𝐋É𝐍𝐒𝐈𝐀 𝐁𝐀𝐙𝐄𝐈𝐀 𝐁𝐀 𝐉É𝐍𝐄𝐑𝐔

Sexta feira 3 fulan jullu 2026 Sekretariu Asuntu Sosial no Organizasaun Komunitariu Halao Abertura ba programa sosializaun kona-ba Igualdade jéneru no Violensia bazeia ba Jéneru, atividades sosializaun ne”e halao iha Eskola Sekundaria Geral Publika seran kotek Suai, ho Objetivu halo Estudiantes sira komprende kona-ba promosaun Igualdade jéneru no inkluzaun iha Timor-Leste no oinsa atu halo prevensaun no kombate Violensia bazeia ba Jéneru iha Eskola no mós sosiedade.

Nune’e iha intrevensaun Sekretariu Asuntu Sosial no Organizasaun Komunitaria ha’u haksolok tebes hamutuk ho ita boot sira hotu iha atividade sosializasaun kona-ba igualdade jéneru no violénsia bazeia ba jéneru iha fatin ida ne”e.

Ohin loron ita haree asuntu Igualdade jéneru la’ós de’it kona-ba mane no feto hetan oportunidade hanesan, maibé mos kona-ba garante katak ema hotu bele moris ho dignidade, respeitu no livre husi forma hotu-hotu violénsia. Violénsia bazeia ba jéneru sei sai obstákulu boot ba dezenvolvimentu família, komunidade no nasaun.

Tanba ne’e, ha’u konvida ita boot sira hotu atu partisipa ho ativa, fahe esperiénsia no ideia sira, atu hamutuk buka dalan di’ak liu ba prevene no kombate violénsia bazeia ba jéneru, no promove igualdade iha ita-nia komunidade enjeral iha Munisipiu Covalima.

Ha’u agradese ba parseiru sira, organizadór sira no partisipante hotu ne’ebé fó apoiu ba atividade ida-ne’e no hili Eskola ida ne’e hodi bele fahe infornasaun jeral no espesifiku sira kona-ba topiku sira ne’ebe mak oradores sira sei hato’o ba alin Estudiantes sira iha fatin ida ne’e. Estudante sira presiza rona barak liu kona-ba asuntu Violensia bazeia ba Jéneru tamba dala barak mós violensia bazei ba jeneru sempre mós iha Eskola, tamba ne’e atu prevene no kombate Violensia iha komunidade no iha Eskola Inklui fatin publiku sira mak, ita presiza fahe esperensia infornasaun kona-ba asuntu ne’ebe mak iha.

Ha’u iha esperansa boot katak rezultadu hosi deseminasaun ida-ne’e bele fó benefísiu ba estudante sira hotu no komunidade enjeral iha Munisípiu Covalima tomak iha tempu sira no ba Futuru.

Portal Munisipiu Covalima

Mídia Secam-Asoc