Tara Bandu (Lei no Ordem Komunitariu) hanesan tradisaun ne’ebé uza hodi jere no regula interasaun ema ho ambiente, intensaun komunidade ho malu no interasaun ho animal. Tara Bandu define hanesan costume tradisional Timor Oan ne’ebé hametin paz no rekonsiliasaun liu hosi kbiit akordu públiku hodi define norma no prátika sosiál ba komunidade ida. Tara Bandu eziste durante sékulu barak, antes kolonializasaun Portugés iha sekulu XVI.

Obejetivu :

• Harii interasaun vida humana iha sosiedade ne’ebé nakonu ho harmonia, amizade, fraternidade tuir identidade vida socio-kultura ema Timor ninia.
• Proteje ambiente liu hosi kriasaun balansu interasaun entre kultura ema no ambiente ne’ebé sustentavel.
• Fortifika no mantein Pratika lisan hanesan identidade kultura ema Timor nia hodi asegura transmisaun intergerasional ba sabedoria ekolojiku.

Area implementasaun

Area implementasaun Tara Bandu iha teritoriu Postu Administrativo 7 no suku 30 iha Munisipiu covalima.

Konseitu no Natureza Tara Bandu :

• Relasaun ema ho Natureza
• Relasaun ema ho animal
• Relasaun ema ho ema

Baze Legal

• Konstituisaun RDTL aliña 4, “Estadu rekuñese no valoriza norma no uza kustume sira hodi hamosu regulamentu meiu ambiente atu proteze animal sira, plantasaun sira, we lulik no seluk-seluk bazeia ba Lei Inan konstituisaun RDTL iha artigu 61 kona-ba “Meu Ambiente” aliña 1-3
• Dekretu Lei Nú. 33/2008, Igiene e Ordem Públika
• Dekretu Lei Nú. 12/2014, Restrição Movimentu Animal iha Urbana
• Dekretu Lei No. 11/2014, Regime de Identificação, Registo e circulação dos Animais
• Dekretu Lei No.13/2014 Condicões Higinio Sanitarias na preparação, Transporte e Venda de carnes e produto de carneos.
• Dekretu Lei No. 26/2012, Sistema Nasional Area Protejida (Law on National Sistem of Protected Areas).
• Dekretu Lei Nú. 5/2016, Rejime Legal Protesaun no konservasaun biodiversidade (Legal Regime for the protection and conservation of biodiversity).
• Dekretu Lei 13/2014, ne’ebé altera Dekretu Lei No6/2020, Regime Espesiál ba definisaun nain ba propriedade.
• LEI N^O 6/2017 DE 19 DE Abril BASES DO ORDENAMENTO DO TERRITÓRIO.
• Lei Suku Nú. 9/2016. Artigu 30 hodi fo defenisaun bas uku katak “ Suku nu’udar ema lubun ida ho direitu públiku ho natureza asosiativa/aliansa, forma no baze iha situasaun ka lasu tradisional iha espasu ida determinadu.”
• Dekretu Lei No. 12/2023 de 12 de Abril 2023 Cria a Comição Reguladora da Arte Marciais, I.P e aprova os respetivos estatutos.
• Dekretu Lei No. 3/2016 no alterasaun sira no spesifika ba kompetensia Prezidente Autoridade Munisipl Atigu 25 no Artigo 31: kompetensia iha Área Ijene no Ordem Públika no 5 (a-f) Komperensia kria regulamentu No. 3 (a).
• Dekretu Lei No. 48/2023 artigo 25:Competências Alinea 5: Compete ao Presidente da Autoridade Municipal em matéria de hygiene e ordem pública.

Alende diskute Esbosu Lei Tara Bandu, 𝐏𝐫𝐞𝐳𝐢𝐝𝐞𝐧𝐭𝐞 𝐊𝐨𝐧𝐬𝐞𝐥𝐥𝐮 𝐊𝐨𝐧𝐬𝐮𝐥𝐭𝐢𝐯𝐮 𝐌𝐮𝐧𝐢𝐬𝐢𝐩𝐚́𝐥 fo auto-pose ba Membru Inerente 𝐊𝐨𝐧𝐬𝐞𝐥𝐥𝐮 𝐊𝐨𝐧𝐬𝐮𝐥𝐭𝐢𝐯𝐮 𝐌𝐮𝐧𝐢𝐬𝐢𝐩𝐚́𝐥, hosi Suku Tashilin, Postu Administrativu Zumalain, tanba iha fulan abríl liu ba iha mudansa krgu hosi Xefe Suku sesante reanunsia nia kargu, hodi subtitui Xefe Suku atual liu hosi reuniaun konsellu suku.

“ Tanba ne’e ohin loron ita fo auto pose, tanba durante ne’e vakum hela, tanba Xefe suku subtitui ona, nune’e mai iha 𝐊𝐨𝐧𝐬𝐞𝐥𝐥𝐮 𝐊𝐨𝐧𝐬𝐮𝐥𝐭𝐢𝐯𝐮 𝐌𝐮𝐧𝐢𝐬𝐢𝐩𝐚́𝐥 mos tenke subtitui,”.

Iha parte sesaun ikus, Membru Konsellu Konsultivu hotu fó apresiasaun hodi vota afavor ba Ezbosu Lei Tara Bandu, reuniaun 𝐊𝐨𝐧𝐬𝐞𝐥𝐥𝐮 𝐊𝐨𝐧𝐬𝐮𝐥𝐭𝐢𝐯𝐮 𝐌𝐮𝐧𝐢𝐬𝐢𝐩𝐚́𝐥 ne’e hetan partisipa maxímu hosi membru konsellu konsultivu designadu no membru Konsellu Konsultivu inerente sira atividade ne’e rasik realiza iha Salaun Autoridade Munisipál Covalima.

Portal Munisipal Covalima

𝐌𝐞́𝐝𝐢𝐚 𝐏𝐀𝐌 𝐂𝐨𝐯𝐚𝐥𝐢𝐦𝐚