FATUMEA, 17 Agostu 2026 – Administrador Postu Administrativu Fatumea, Sr. Cesar Madeira Amaral, Lic.Sp, preside no lidera enkontru trimestral hamutuk ho funsionáriu sira iha ámbitu Postu Administrativu Fatumea, Munisípiu Covalima.
Enkontru refere ho objetivu prinsipál atu halo avaliasaun ba atividade no servisu hotu-hotu ne’ebé halao tiha ona iha trimesre liu ba. Avaliasaun ne’e sai hanesan matadalan no referénsia mehi atu korije kualkér falha ka frakeza sira, nune’e la akontese tan iha futuru no bele hadi’ak liután meiu dezenvolvimentu servisu nian.
Iha biban ne’e, Exmo Administrador Sr. Cesar Madeira Amaral, Lic.Sp fo nafatin motivasaun no korajen ba estrutura funsionáriu hotu-hotu—husi Funsionáriu Permanente, Ajente Administrasaun Públika (AAP), Funsionáriu Destakadu sira, to’o Funsionáriu Kazuál sira—atu nafatin hatudu disiplina altu, kumpri responsabilidade ho lós, no mantein profesionalidade iha parte hotu-hotu wainhira presta servisu ba públiku.
Partisipa iha enkontru trimestral ne’e mak hanesan:
- Exmo. Sr. Cesar Madeira Amaral, Lic.Sp – Administrador Postu Administrativu Fatumea
- Xefe Servisu Lokál na’in ha’at (4)
- Funsionáriu Públiku permanente no Destakadu sira
- Ajente Administrasaun Públika (AAP)
- Funsionáriu Kazuál sira
Enkontru ne’e la’o ho susesu no furak, nune’e fo biban ba funsionáriu hotu-hotu atu hamutuk ho mehi mesak ida de’it, hasa’e kualidade servisu administrasaun nian ba komunidade Fatumea.
Pontu Fokal Portal Munisipal Munispiu Covalima