FATUMEA, 07 Setembru 2026 — Autoridade Postu Administrativu Fatumea halao serimonia issar bandeira nasional ba semana dahuluk fulan Setembru tinan 2026, ne’ebe la’o ho susesu no dignu iha resintu Postu Administrativu Fatumea, Munisipiu Covalima.
Serimonia solene ne’e lidera husi Exmo. Administrador Postu Administrativu Fatumea, Sr. Cesar Madeira Amaral, Lic.Sp, no responsabilidade ba realizasaun serimonia issar bandeira ne’e konfiansa tomak ba funsionariu sira husi Suku Belulik Leten.
Kondisaun no serimonia ne’e hetan partisipasaun masimu husi entidades oi-oin iha nivel postu, inklui:
- Lideransa no Administrasaun: Xefe Servisu Lokal nain haat (4), Xefe Suku Nanu, no Xefe Suku Belulik Leten.
- Veteranus no Funsionariu Publiku: Reprejentante Veteranus Postu Administrativu Fatumea, Funsionariu Permanente, Funsionariu AAP, Funsionariu Kazuais, no Funsionariu Lina Ministeriais Destakadu sira.
- Sektor Sosial no Saude: Koordenador Servisu Sosial Postu Fatumea ho nia ekipa, hamutuk ho Funsionariu Saude Postu Administrativu Fatumea.
- Seguransa no Defeza: Segundu Komandante Esquadra Polisia Postu Fatumea ho nia membru sira, Segundu Komandante UPF Postu Anin Matan, no Reprejentante Membru UPF Postu Belulik Leten.
Actividade issar bandeira semanál ne’e sai hanesan matadalan atu hametin liutan espíritu patriotizmu, servisu hamutuk, no hakat ba oin iha jestaun no servisu publiku ba komunidade iha Postu Administrativu Fatumea.
Pontu Fokal Portal Munisipal Munisipiu Covalima