COVALIMA (23 Jullu 2026) — Administrador Postu Administrativu Tilomar, Sr. Venancio Sarmento, L.Ed, ho atensu no responsabilidade lidera enkontru servisu ho estrutura no funsionáriu sira iha postu no suku sira ne’ebé tutela iha Postu Administrativu Tilomar.
Iha enkontru dahuluk ne’ebé partisipa husi Xefe Seksaun na’in haat (4), funsionáriu postu, no estrutura Administrasaun Suku na’in haat (4) iha Tilomar, diskusaun foka liu ba kestaun estratéjika sira hanesan:
- Disiplina Servisu: Hametin disiplina no pontualidade iha servisu fatin.
- Avaliasaun Dezempeñu: Sukat kualidade servisu funsionáriu sira-nian.
- Preenximentu Livru 18: Maneja no foti dadus administrativu suku nian ho loloos no adekVariable.
Iha biban ne’e duni, Administrador Postu Tilomar mehi kontinua hala’o enkontru daruak ho Xefe Servisu Lokál na’in haat (4), Funsionáriu Permanente, Kontratadu, no Apoiu Sekretáriu/Administrasaun Suku sira. Sorumutu ida ne’e ho objetivu atu halo preparasaun ba elaborasaun relatóriu importante sira, inklui:
- Relatóriu Ezekusaun Orsamentu: Transparénsia kona-ba jestaun finanseira.
- Relatóriu Atendimentu Públiku: Avaliasaun ba kualidade servisu ne’ebé prestadu ba komunidade sira hotu.
- Avaliasaun Dezempeñu (2024–2026): Halo rekapitulasaun no avaliasaun kle’an ba servisu sira ne’ebé hala’o tiha ho tinan tolu ikus ne’e.
Administrador Postu Administrativu Tilomar, Sr. Venacio, hato’o apelu ba Xefe Servisu Lokal, funsionáriu postu, no funsionáriu apoiu suku nain 4 atu hatudu nafatin disciplina no pontualidade ne’ebé di’ak iha servisu loroloron.
Apelu ne’e hato’o hodi hatudu hikas responsabilidade ba Administrador Postu no mós Xefe Suku sira. Iha oportunidade hanesan, Sr. Venacio mós fó hanoin espesiál ba Ofisiál Suku sira atu tau matan hodi preenxe livru 18 no labele husik mamuk deit livru sira-ne’e.
Alende ne’e, Administrador Postu Tilomar husu funsionáriu hotu husi nivel suku to’o postu atu envolve-an ho máksimu iha Serimónia Hasa’e Bandeira, liuliu iha loron nasionál no mós iha primeira semana kada fulan nia laran.
Iha sorumutu sira ne’e, Administrador Postu hato’o vizaun ida atu funsionáriu sira hotu bele hamutuk kontinua servisu ho ho dedikasaun, transparénsia, no responsabilidade aas atu nune’e bele fo atendimentu ne’ebé di’ak no lalais ba komunidade iha Postu Administrativu Tilomar.
Pontu Vokal Portal Munisipal Munisipiu Covalima