ZUMALAI, 06 Agostu 2026 — Ekipa konjunta husi Autoridade Munisípiu Covalima foin lalais ne’e hala’o atividade monitorizasaun no fiskalizasaun direta ba projetu konstruksaun Postu Saúde iha Suku Ucecai, Postu Administrativu Zumalai. Projetu ne’e na’in ba Programa Dezenvolvimentu Integradu Munisipál (PDIM) tinan fiskál 2026.
Atividade foti dados no observasaun iha terrénu ne’e lidera husi Administrador Postu Administrativu Zumalai Sr. Alipio Magno,L.ed, hamutuk ho Diretór Servisu Fiskalizasaun Munisípiu Covalima Sr. Anacleto Martins, Lic.Eco no Diretór Servisu Munisipál Planeamentu Integradu no Dezenvolvimentu (SMPID) Sr. Carlito Barros Dos Reis, Lic.Tec
Objetivu husi monitorizasaun ne’e mós atu hare direta progresu fíziku husi servisu konstruksaun nian, hodi garante katak kualidade no padraun tékniku la’o tuir kontratu no spesifikasaun ne’ebé hatur ona, nune’e bele konklui ho susesu hodi servi no fasilita komunidade Suku Ucecai iha setór saúde nian.
Pontu Fokal Portal Munisipal Munisipiu Covalima