“ Estratejia Partidu Politika ba Poder Lokál no Desentralizasaun Administrativa” ne’ebé realiza hosi Komisaun Nasionál Eleisoes (CNE) iha salaun Autoridade Munisipiu Covalima (AMC)

COVALIMA, 30 Juñu 2026 – Prezidente Autoridade Munisípiu Covalima, Sr. Miguel Armada Cardoso, ofisialmente loke Talk Show ho tema “Estratejia Partidu Polítiku ba Poder Lokál no Desentralizasaun Administrativa”, ne’ebé organiza hosi Komisaun Nasionál Eleisoes (CNE) iha Salaun AMC.

Objetivu prinsipál hosi atividade ne’e mak atu hametin koñesimentu partidu polítiku sira nian kona-ba sira-nia papel no responsabilidade, hodi garante implementasaun polítika desentralizasaun ne’ebé efetivu no responde ba nesesidade povu nian.

Prezidente CNE, José Belo, subliña katak partidu polítiku sira mak instrumentu xave la’ós de’it ba funu podér, maibé oinsá atu serbi povu liuhosi polítika ne’ebé di’ak iha setór saúde, edukasaun, no infraestrutura. Nia dehan, debate ho diferensia ideia importante tebes hodi lori kualidade ba Timor-Leste nia futuru.

Iha fatin hanesan, Prezidente Autoridade Covalima, Sr. Miguel Armada Cardoso, dehan katak talk show ne’e hanesan oportunidade di’ak ida hodi “hafanun” no prepara polítiku na’in sira hodi hein implementasaun podér lokál iha munisípiu.

Atividade ne’e hetan partisipasaun másimu hosi Komisáriu Destakadu sira, Komandu PNTL Covalima, no kuadru hosi partidu polítiku boot lima: CNRT, FRETILIN, PD, PLP, no KHUNTO.

(Média PAM Covalima)