COVALIMA, 20 MAIU 2026 – Iha espíritu pátria ne’ebé nabilan no nakonu ho dignidade, Autoridade Munisípiu Covalima realiza serimónia solene Isar Bandeira Nasionál hodi komemora Aniversáriu ba dala-24 Restaurasaun Independénsia Repúblika Demokrátika Timor-Leste (RDTL). Atuasaun ne’ebé marka mós tinan 24 hosi loron istóriku (20 Maiu 2002 – 20 Maiu 2026) ne’e, la’o ho susesu no dezenvolve ho domin boot, iha Kampu Futeból Ladi, Suai.
Serimónia ne’e lidera direita hosi Prezidente Autoridade Munisípiu Covalima, Sr. Miguel Armada Cardoso, ne’ebé foti knaar nu’udar Inspetór Serimónia. Iha ninia diskursu, Prezidente Autoridade lansa mensajen sentrál hosi tema tinan ne’e nian, hodi dehan:
“Hamutuk Ita Sei Konstrui Pátria Ida Ne’ebé Justu Liu, Inkluzivu no Reziliente.”
Liafuan ne’e sai nu’udar apelu boot ida ba sidadaun hotu iha Munisípiu Covalima atu hamutuk foti responsabilidade hodi dudu dezenvolvimentu no mós hamriik metin hasoru dezafiu hotu iha futuru.
Partisipasaun Másimu no Solenidade
Selebrasaun ne’ebé nakonu ho emosaun no respeitu ba eroat sira ne’e, hetan partisipasaun másimu hosi estrutura estadu nian hanesan sosiedade sivil iha munisípiu laran. Iha palku onra no liña oprime nian 𝐡𝐞𝐭𝐚𝐧 𝐩𝐚𝐫𝐭𝐢𝐬𝐢𝐩𝐚 𝐦𝐚́𝐬𝐢𝐦𝐮 𝐡𝐨𝐬𝐢:
- Lideransa Lokál: Autoridade Munisipál sira, Diretór Munisipál, hamutuk ho Diretór Servisu Delegasaun teritorial sira hosi liña ministeriál hotu.
- Eroa Pátria nian: Veteranu sira no Eis-Titulares ne’ebé reprezenta memória moris hosi luta libertasaun nasionál.
- Setór Justisa: Reprezentante hosi Ministériu Públiku, Juís sira hosi Tribunál Primeira Instánsia, no mós Defensoria Públika.
- Seguransa no Defeza: Komandu Polísia Nasionál Timor-Leste (PNTL) Munisípiu Covalima hamutuk ho Falintil-Forças de Defesa de Timor-Leste (F-FDTL), ne’ebé hatudu koza no orden durante serimónia.
- Lideransa Relijioza no Sosiál: Reprezentante hosi Kreda (Igreja) Katólika no mós komunidade lokál sira hosi postu hot-hotu ne’ebé mai ho laran-haksolok.
Serimónia ne’e ramata ho ksolok boot, hatudu katak povu Covalima kontinua hamutuk, Unidu no Prontu atu serbisu hodi nune’e bele alkansa mehi hosi pátria ida ne’ebé haksolok no moris di’ak.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest