COVALIMA, 28 Agostu 2026 – Iha ámbitu komemora Loron Konsulta Populár ba dala XXVII (27), Autoridade Munisipál Covalima partisipa iha Misa Agradesimentu ne’ebé la’o ho diak iha Parókia Nossa Senhora de Fátima Suai, sesta-feira ne’e.
Misa agradesimentu ne’e saii nu’udar momentu espirituál no reflesaun nasionál ne’ebé preside ho devosaun husi Vigáriu Parókia Suai, Pe. Francisco Pereira Cardoso.
Autoridade Munisipál sira ne’ebé prezensa iha serimónia santu ne’e mak hanesan Exmo. Sekretáriu Autoridade Munisipál ba Asuntu Administrasaun no Finansas Sr.Alberto Moniz de Araújo, L.Ed, hamutuk ho Sekretáriu Autoridade Munisipál ba Asuntu Planeamentu, Investimentu no Dezenvolvimentu Integradu (PIDI) Sr. Caetano dos Santos Ribeiro.
Partisipa mós iha selebrasaun ne’e Komandante PNTL Munisípiu Covalima, Superintendente Xefe Polísia Paulino Carmo Pereira, Diretór Servisu Munisipál sira, Diretór Delegasaun Territoriál sira, Xefe Departamentu sira, funsionáriu públiku sira, hamutuk ho komunidade no estudantes sira iha Munisípiu Covalima.
Selebrasaun misa ne’e sai nu’udar símbolu agradesimentu ba Na’i Maromak no prestasaun omenajen ba erói no martir sira ne’ebé fó sira-nia isin no klamar ba libertasaun patria iha tinan 1999.
Pontu Fokal Portal Munisipal Munisipiu Covalima