Covalima, 05 Juñu 2026 – Prezidente Autoridade Munisípiu Covalima, Sr. Miguel Armada Cardoso, marka prezensa iha serimónia entrega no simu kargu (passagem de pasta) husi Segundu Komandante PNTL Munisípiu Covalima sesante ba komandante foun.
Iha serimónia ne’e, Segundu Komandante Sesante, Superintendente Assistente Polísia Delfin da Silva, entrega ofisialmente ninia responsabilidade no servisu sira ba Superintendente Assistente Polísia Patrício de Jesus nu’udar Komandante foun ne’ebé sei asume fali knaar ne’e.
Partisipasaun hosi Entidade Sira
Eventu importante ne’e hetan partisipasaun másimu no akompañamentu hosi autoridade no parseiru servisu sira, hanesan:
- Superintendente Xefe Polísia Paulino Carmo Pereira (Komandante Komandu PNTL Munisípiu Covalima).
- Asesór PARTISIPA.
- Asesór Unidade Gabinete Apoiu Tékniku Prezidente Autoridade Covalima.
- Diretór Ajénsia Planeamentu.
Serimónia ne’e la’o ho susesu no sai nu’udar pasu importante ida hodi hametin liután koordenasaun no seguransa iha Munisípiu Covalima.
Fonte: Media PAM Covalima
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest