Iha loron 01 fulan-Jullu tinan 2025, Prezidente Autoridade Munisípiu Covalima, Sr. Miguel Armada Cardoso, hamutuk ho Secretário Municipal dos Assuntos Sociais e as Organizações, Sr. Filomeno Cardoso, Administrador do Posto Administrativo de Tilomar, Sr. Venancio Sarmento, Diretor do Serviço Municipal de Proteção Civil e Gestão de Desastres Naturais, Sr. João Martins, no Diretor do Serviço Municipal de Património e Logística, Sr. Aquinelio A. B. do Rego, ho Xefe Departementu sira, halo vizita no entrega apoios humanitárius ba Uma Mahon Salele, ne’ebé gestiona hosi Kongregasaun Madre SOM St. Rosa.
Apoiu sira ne’e inklui Aihan (fos, supermi, biskuit no sardina) no Laos Aihan (manta, toália, pasta denti, sabaun no rinso), ho intentu atu sustenta Uma Mahon nian iha prosesu kuidadu labarik sira, aumenta kondisaun higiene no hadia moris lor-loron labarik sira iha instituisaun ne’e. Atividade ne’e reprezenta solidariedade no atensaun Autoridade Munisípiu ba labarik sira nian direitu sira.
________________________________________
Copyright.by Pontu Vocal Portal Munisipiu Covalima
Image’s Anexa
Iha loron 27 fulan-Junu tinan 2025, Diretor Servisu Munisípal Administrasaun no Rekursu Umanu hetan orientasaun hosi Prezidente Autoridade Munisípiu (PAM) Covalima atu reprezenta Autoridade Munisípiu iha Seremonia Programa Feira Kareira no Edukasaun, ne’ebé hala’o iha Postu Administrativu Tilomar. Programa refere fasilita hosi Servisu Delegasaun Teritoriál SEFOPE, ho objetivu atu promove informasaun kona-ba kareira profisionál no oportunidade edukativu ba juventude lokal.
Partisipasaun no kontribuisaun Sír Direktor nian iha seremonia ne’e sei fó sinal diak no suporta governasaun munisípal ba iniciativa ne’ebé fokús ba dezenvolvimentu kapasidade no orientasaun kareira ba jenérasaun foun iha suku no postu.
Copyright : Vocal Point Munisipiu Covalima
IMAGE’S
Introdusaun
Iha kontinuidade esforsu Governu hodi promove igualdade jéneru no partisipasaun feto iha dezenvolvimentu sosioekonómiku, Autoridade Munisípiu Covalima, liuhusi reprezentasaun Presidente Autoridade Munisipal, Sr. João Martins, Diretor Serviço Municipál e Proteção Civil e Gestão de Desastres Naturais marka nia presensa iha Abertura Fórum Munisipal ba Benefisiáriu Feto, ne’ebé organiza husi Organizasaun Não-Governamental “BA FUTURU”, iha loron 24 fulan Juñu, iha Salaun Ave Maria, Suai.
Fórum importante ida ne’e, ne’ebé envolve partisipasaun 75 feto beneficiáriu, representa oportunidade ida atu diskute, partilha esperiénsia, no identifika desafiu no solusaun kona-ba direitu, empoderamentu no autonomiia feto sira iha nivel komunidade. Diretor Serviço Municipál e Proteção Civil e Gestão de Desastres Naturais sai hanesan Reprezenta Exmo. Prezidente Autoridade Munisípiu Covalima (PAM) ne’e fó sinal forte kona-ba kompromisu no apoio kontinua husi governasaun lokal ba iniciativa sira ne’ebé valorizadu feto nian papel iha sosiedade.
(fb:Joao Martins) copyright.Vocal-point-portal-municipiu.covalima
PAM Covalima Simu Vijita Kortezia husi Provedór Direitus Umanus no Justisa (PDHJ)
Covalima, 24 Juñu 2025
Prezidente Autoridade Munisípiu Covalima (PAM), Sr. Miguel Armada Cardoso, simu vizita kortezia husi Provedór Direitus Umanus no Justisa (PDHJ), Sr. Virgílio da Silva Guterres “Lamukan”, ho ekipa, iha Palásiu Administrativu Munisípiu Covalima.
Iha enkontru-ne’e, Provedór PDHJ fó informasaun kona-ba planu atu destaka Pontu Fokál husi PDHJ na’in rua, atu presta apoiu ba Administrasaun Munisípiu Covalima, iha tempu badak mai. Inisiativa ne’e mak parte husi esforsu atu fortifika kolaborasaun interinstitusionál no promove defendimentu direitus umanus iha nivel lokal.
Tanba preocupasaun kona-ba seguransa komunidade sira ne’ebé movimenta iha área auto-estrada, PDHJ fó klarifikasaun kona-ba informasaun sira ne’ebé espalla iha média sosiál no keixa-keixa ne’ebé fó hanoin inseguransa, ho referénsia ba asaun ema deskoñesidu sira ne’ebé suspeitu halo tuda no kesi tali iha estrada. Provedór husu ba PAM no autoridade sira relevante atu kontinua koordenasaun estreitu hodi responde ba situasaun sira ida-ne’e.
Iha biban vizita-ne’e, PDHJ entrega Livru Relatóriu Monitorizasaun ba PAM, ho kontéudu relasiona ho observasaun violasaun direitus umanus iha Timor-Leste, hanesan parte husi transparencia no partilha informasaun.
PAM, Sr. Miguel Armada Cardoso, fó agradecimento boot ba Provedór PDHJ no nia ekipa, tan ba inisiativa atu hatama Pontu Fokál iha Covalima, ho objetivu atu fortalece presensa PDHJ no fo asisténsia diretamente ba komunidade. Prezidente sublinha mos importánsia kolaborasaun ne’e atu facilita prosesu keixa iha kazu violasaun direitus umanus, liu-liu ba grupu vulnerável.
PAM fó bemvindu ba ekipa ne’ebé sei servisu iha Covalima, ho esperansa katak sira sei mostra profisionalizmu no imparsiálidade iha implementasaun mandatu PDHJ, nune’e bele kontribui atu reduz diskriminasaun no garantisa proteção ba direitus umanus iha rai laran.
Relasiona ho movimentasaun iha auto-estrada, PAM kontinua koordena ho PNTL no autoridade lokál atu monitoriza situasaun no hato’o medidu seriu ba pesoal sira ne’ebé halo hahalok ilegál. Husu ba populasaun atu kontinua kolabora ho autoridade sira hodi manten seguranza publika no sosiedade ne’ebé harmonioza.
(Média PAM Covalima) Editing by Official Vocal Point Portal Munisipal – Covalima
Iha kolaborasaun efikaz entre Servisu Munisípal de Protenção Civil e Gestão de Desastres Naturais, Administrador Postu Administrativu (APA) nain hitu (7), no Servisu Delegasaun Territorial husi Autoridade Protenção Civil (APC), hala’o ona atividade distribusaun materiál rekuperasaun ba família sira ne’ebé afetadu husi dezastre.
Distribusaun ne’e hala’o ho susesu iha Kampu Ladi, Suai, iha loron Kuarta-Feira, 11 fulan Junhu tinan 2025, hodi fó susténsia diretu ba 42 Xefe Família ne’ebé identifika hanesan vítima afetadu.
Atividade ne’e tuir prinsipiu jestaun dezenvolvimentu komunidade no resposta umanitária, ho objetivu:
• Fó asisténsia imediatu ba família sira afetadu,
• Apoiu ba prosesu rekuperasaun lokal,
• Hatudu prezensa no solidariedade Autoridade Munisípal no Nasional iha momentu difísil komunidade nian.
Kolaborasaun ida ne’e mos hatudu ezemplu boot ba koordinasaun interinstitusionál no engajamentu ba seguransa, sustentabilidade, no reziliénsia komunidade iha kapasidade atu responde ba dezenvolvimentu no riksu natura.
Autoridade Covalima Selebra Asina Kontratu ho Kompañia Manán Na’in ba Projetu PDIM tinan 2025
Covalima, 17/06/2025, Prezidente Autoridade Munisípiu Covalima (PAM), Sr.Miguel Armada Cardoso, liu husi Diresaun Munisipál Servisu Aprovizionamentu, selebra asina kontratu ho kompañia manán na’in hamutuk tolu, ba ezekusaun Projetu PDIM tinan 2025 ho kategoria projetu Irrigasaun no konstrusaun rezidénsia Postu Saúde.
Kompañia tolu ne’e maka hanesan, kompañia Dalmesia, kompañia Taroman Laka, kompañia Jino Linda, ne’ebé sai manán na’in hodi konstrui projetu PDIM tinan 2025, durasaun kontratu ne’ebé iha, durante fulan neen, hahú husi lansamentu primeira pedra, no sei konklui iha fulan Dezembru tinan 2025.
Iha oportunidade ne’e, Prezidente Autoridade Covalima hato’o, ba kompañia, ne’e la’ós finál no apresiasaun, maibé ida ne’e hanesan responsabiliza ne’ebé maka tenke hatudu nia obra finál no tenke konklui ho kualidade. No tenke konklui tuir data determinasaun ne’ebé iha.
(Média PAM Covalima)
editing by Vocal Point Portal Municipal Munisipiu Covalima
Covalima, 17 Juñu 2025 – Ministériu Administrasaun Estatál (MAE), liu husi Inspetór Jerál, hamutuk ho ekipa ténika, hala’o pre-avalia saun ba Prezidente Autoridade Munisípiu Covalima, Sekretáriu tolu, Diretores Munisípal sira hotu, no Autoridade Postu Administrativu hitu. Avaliasaun ne’e inklui prienxe kestionáriu no realiza intervista direta, iha kontestu preparasaun ba implementasaun Desentralizasaun no Poder Lokal iha Munisípiu Covalima. Atividade ne’e hala’o iha salaun Autoridade Munisípiu Covalima (AMC).
Hafoin konklui prosesu intervista no validasaun kestionáriu, ekipa MAE kontínua ho vizita direta ba Diresaun Servisu Munisípal sira, inklui Sekretáriu no Diretor relevante, atu observa direitamente kondisaun no realidád iha kada eskritóriu, hodi konfirmadu resposta sira ne’ebé fó iha formuláriu.
Iha loron sira oin, ekipa MAE sei kontinua ho monitorizasaun ba implementasaun Projetu Programa Nasionál Dezenvolvimentu Suku (PNDS) no Planu Dezenvolvimentu Integradu Munisipál (PDIM) iha Munisípiu Covalima.
Iha área Edukasaun, sei halo monitorizasaun ba progresu implementasaun obra Ensinu Pré-eskolar, Ensinu Báziku, no programa Merenda Eskolár.
Iha área Agrikultura, sei hare’e ba progresu projetu Irigasaun no Servisu Agríkola.
Iha área Obras Públikas, sei fó atensaun ba konstrusaun Estrada Rural.
Iha área Saúde, sei observa kondisaun Sentru Saúde.
Iha setór Bee no Saneamentu, monitoriza fasilidade bee no saneamentu, no kondisaun edifísiu Postu Administrativu no Sede Suku.
Atividade ne’e objetiva atu hadia preparasaun Munisípiu Covalima ba prosesu desentralizasaun no fó asesu klaru ba servisu publiku ba komunidade.
(Fonte: Média PAM Covalima)
Editing by Vocal Point Portal Municipal Munisipiu Covalima
Covalima, 16/06/2025, Ministériu Administrasaun Estatál (MAE) reprezenta husi Inspetór Jerál MAE, Elvino Bonaparte do Rego, hamutuk ho Prezidente Autoridade Munisípiu Covalima (PAM) Sr.Miguel Armada Cardoso, abertura Programa Asisténsia Tékniku Hodi Mellora Prestasaun Servisu iha Administrasaun Lokál, ne’ebé hala’o iha Salaun Administrasaun Munisipál Covalima.
Iha intervensaun, Inspetór Jerál hato’o, objetivu prinsipál husi atividade ne’e, oinsá atu halo atendimentu ne’ebé besik liu ba komunidade liu husi dekretu lei nú 84/2023 ne’ebé hatuur ona kona-ba ida-idak nia kompeténsia ne’ebé atu jere iha Servisu Munisipál. Hafoin abertura, sei iha aprezentasaun matéria husi oradór sira oinsá atu fó hanoin filafali saida maka ita halo ona iha tinan 2024, ho nune’e husi Ministériu Sentrál koko hamutuk ho Autoridade Munisipál oinsá tama lalais ba iha podér lokál hodi atende Komunidade sira.
Oinsá atu tulun ita hala’o servisu ne’e hamutuk ba oin maka, Covalima oan tenke unidade, ida ne’e sai save prinsipál, ita hotu hamutuk maka bele hadi’a munisípiu ne’e, tenke rona orientasaun husi Koordenadór Prinsipál iha Munisípiu hanesan Prezidente Autoridade Munisípiu, hodi bele prienxe atu hakarak ba Podér Lokál.
Tuir ajenda, loron dahuluk, ekipa halo aprezentasaun hodi introdús matéria no fó informasaun sira ne’ebé liga ho delegasaun servisu ka kompeténsia ne’ebé mak, atribui ona ba iha Munisípiu sira, inklui distribui Kestionáriu ba PAM ho Diretrores Servisu Munisípais hotu.
Loron daruak, sei halo pre-avaliasaun kondisaun Mínimu ba Prezidente Autoridade Munisípiu Covalima no Diretroes Munisipál hotu liu husi Resposta kestionáriu ne’ebé fahe ona iha loron dahuluk.
Loron Datoluk, ekipa sei halo monitorizasaun ba Projetu Programa Nasionál Dezenvolvimentu Suku (PNDS) no Planu Dezenvolvimentu Integradu Munisipal (PDIM) iha Munisipiu Covalima, iha área Edukasaun sei hare’e progresu implementasaun obra Ensinu Pre-eskolar, Ensinu baziku no implementasaun Merenda Eskolar; iha área Agrikultura hare’e liu kona-ba Irigasaun no Servisu Agríkola iha Munisipiu Covalima; área Obras Publika sei hare’e kona-ba konstrusaun ba Estrada Rural; área Saúde hare’e liu ba kondisaun Sentru Saúde, sei monitoriza mós atividade iha Setor Be’e no Saneamentu inklui Kondisaun Edifisiu Postu Admnistrativu no Sede Suku iha Munisipiu Covalima.
(Média PAM Covalima).
Editing by Vocal Point Portal Municipal Munisipiu Covalima
&
© 2025 Autoridade Munisipal Covalima
