SALELE, COVALIMA (04 Agostu 2026) — Administradór Postu Administrativu Tilomar hamutuk ho Komandante Eskuadra Polísia Nasionál Timor-Leste (PNTL) Tilomar, komandante Unidade Patrulhamento Fronteira (UPF), parseiru F-FDTL, Lideransa Relijioza (Amu-lulik no Madre sira), ho Xefe Suku sira husi Suku 4 (Lalawa, Beiseuk, Kasabauk, no Maudemo) ofisialmente loke jogu komunitáriu iha Kampu Futebol Salele, Tilomar. Jogu ne’e realiza hodi komemora Loron Konsulta Populár ne’ebé sei monu iha dia 30 Agostu 2026.
Iha biban ne’e, joventude husi Postu Administrativu Tilomar fó apresiasu no agradesimentu kle’an ba Administradór Postu. Sira manifesta katak iha nia mandatu tinan rua (2) nia laran, joventude sira iha Tilomar sente metin liután unidade no amizade ne’ebé forte, tanba susesu hodi mantein ambiente hakmatek no nunka hamosu konflitu iha fatin-fatin. Joven sira haksolok ho planu estratéjiku Administradór nian ne’ebé nafatin halibur joventude no komunidade sira hodi fó liman ba malu, servisu hamutuk, no kria paz no estabilidade nudar responsabilidade Tilomar-oan nian.
Iha sorin seluk, Administradór Postu Administrativu Tilomar salienta no fó biban ba joven sira atu labele haree ba ras, kór polítika, ka diferensa ideolojia. Nia haktuir katak asuntu sira ne’e hotu sei la’o tuir nia tempu, maibé fo obrigatóriu ba Tilomar-oan hotu atu hamutuk hodi hadi’a rai Postu Tilomar ba futuru ne’ebé nabilan.
Iha nia liafuan ikus, Exmo. Administradór Postu apela ba jogadór no juventude sira hotu katak jogu ne’e realiza la’ós de’it atu manán troféu, maibé ho objetivu boot atu kria amizade, hametin unidade, haburas domin, no hakribi violénsia ka konflitu entre joven sira. Nia haktuir katak joven sira mak nudar “masin ne’ebé fó midar” ba ema hotu-hotu, tan ne’e joven Tilomar tenke hamutuk ksolok hodi kaer liman hodi hadi’a postu, suku, no aldeia ba oin.
Pontu Fokal Portal Munisipal Munisipiu Covalima
COVALIMA, 04 Agostu 2026 — Ekipa Avaliasaun Kondisaun Mínima (AKM) husi Ministériu Administrasaun Estatál (MAE), ne’ebé dirije husi Diretor Jerál Institutu Nasionál Administrasaun Públika (INAP), Policarpo Almeida Boavida, hala’o avaliasaun faze daruak ba Autoridade Munisípiu Covalima.
Atividade ne’e la’o dumíningu loron rua, hahú husi Segunda-Feira (03/08) to’o Tersa-Feira (04/08/2026), ho objetivu atu avalia dezenpeñu estrutura no kapasidade institusionál munisipál nian. Avaliasaun ne’e envolve Diretor Servisu Munisipál 20 no Autoridade Postu Administrativu 7 iha Munisípiu Covalima.
Faze Daruak Fokus ba Kapasidade Téknika no Lideransa
Iha ninia intervensaun, Diretor Jerál INAP, Policarpo Almeida Boavida, esklarese katak avaliasaun faze daruak ne’e iha papel ne’ebé determinante tebes ba futuru munisípiu nian.
“Iha primeira faze avaliasaun kondisaun mínima, ita foku liu ba prontidaun administrativu institusionál em jerál. Agora, iha segunda faze ne’e mais determinante tanba ita foku liu ba kapasidade téknika, funsionál, operasionál, no lideransa,” hato’o Diretor Jerál INAP.
Nia haktuir tan katak métodu ne’ebé uza la’ós de’it auto-avaliasaun husi munisípiu, maibé ekipa avaliadora halo mós verifikasaun direta ba dokumentu, konfirmasaun husi husu-hatán, observasaun ba prosesu, no ikusliu valida evidénsia sira.
“Ami mai iha ne’e la’ós atu hanorin ka ditadu ita-boot sira, tanba ita-boot sira mak envolve direta no entende liu prosesu ne’e. Atu realiza mehi Covalima nian hodi simu poder lokál, ita tenke iha ekipa ne’ebé forte no hatudu evidénsia lian uza dadus no dokumentasaun ne’ebé kompletu, hanesan ajenda, lista prezensa, no ata enkontru nian,” nia rekonfisa.
Apresiasaun no Prontidaun husi Autoridade Munisipál
Iha fatin hanesan, Prezidente Autoridade Munisipál (PAM) Covalima, Sr. Miguel Armada Cardoso, hato’o agradesimentu ua’in ba Maromak, matebian sira, no ekipa evaluador husi nasionál ba esforsu no apoiu tomak dumíningu avaliasaun ne’e.
“Iha loron rua nia laran ita hala’o ezersísiu boot ida ne’ebé la’o ho di’ak. Agradese ba ekipa elaborador ne’ebé tulun ona ami. Dokumentu no resposta sira ne’ebé ami fo ne’e mak ami-nia kapasidade no ezersísiu tomak. Ami intrega hotu ba ekipa evaluadora atu avalia no fo apresiasaun tuir sira-nia kompeténsia,” dehan PAM Covalima.
Atividade avaliasaun ne’e subliña katak susesu prosesu dezentralizasaun no simu poder lokál nian presiza kontribuisaun kolektiva husi lideransa, ekipa téknika, no servisu munisipál tomak iha Covalima.
Pontu Fokal Portal Munisipal no Media Covalima
COVALIMA, 03 Agostu 2026 – Administrador Postu Administrativu Tilomar, Sr. Venancio Sarmento, lidera serimónia isar Bandeira Nasionál ba primeiru semana fulan Agostu nian iha Postu Administrativu Tilomar.
Iha serimónia refere, Sr. Venancio Sarmento hato’o apelu servisu nian ba funsionáriu públiku sira hotu no mós fo sai kona-ba atividade desportivu ne’ebé sei la’o iha postu refere.
Iha nia diskursu, Administrador Postu Tilomar husu ba funsionáriu públicos hotu atu nafatin mantein pontualidade no kumpri sira-nia knár ho responsabilidade boot hodi fo servisu ne’ebé di’ak ba povu.
Ho serimónia ne’e, Exmo Administrador mós konvida no husu ba membru Konsellu Suku sira hotu atu marka prezensa iha abertura Jogu Komunitáriu, ne’ebé sei realiza iha:
“Atividade desportivu ne’e iha objetivu no espíritu atu anima foin-sa’e no komunidade sira hotu, kria amizade no hametin unidade husi nivel Suku to’o Postu, nune’e bele husik hela estabilidade hodi simu dezenvolvimentu iha ita-nia rain,” dehan Sr. Venancio.
Ba realizasaun jogu ne’e, parseiru seguransa husi F-FDTL, PNTL, inklui Unidade Patrulha Fronteira (UPF) deklara prontu atu garante seguransa no pás hosi inísiu to’o remata.
Serimónia isar bandeira ne’e hetan partisipasaun masimu hosi:
Pontu Vokal Portal Munisipal Munisipiu Covalima
COVALIMA, 03 Agostu 2026 — Autoridade Munisípiu Covalima realiza serimónia hasa’e bandeira nasionál hodi simu loron dahuluk iha fulan-Agostu tinan 2026. Serimónia ne’e la’o ho susesu iha resintu Autoridade Munisipál Covalima.
Serimónia solenidade ne’e preside diretu husi Komandante Komandu Polísia Nasionál Timor-Leste (PNTL) Munisípiu Covalima, Superintendente Xefe Polísia Paulino Carmo Pereira.
Iha serimónia ne’e, hetan partisipasaun máksima husi Prezidente Autoridade Munisípiu Covalima, Sr. Miguel Armada Cardoso, hamutuk ho Sekretáriu Munisipál na’in tolu, no Diretór Servisu Munisipais sira. Omezu tempu, marka mós prezensa husi Diretór Servisu Delegasaun Teritoriál, membru PNTL Munisípiu Covalima, no mós funsionáriu públiku sira iha munisípiu ne’e.
Pontu Vokal Portal Munisipal Munisipiu Covalima
Covalima, 31 Jullu 2026, Prezidente Autoridade Munisipiu Covalima, Sr.Miguel Armada Cardoso partisipa iha Programa Talk Show ho nia tema ” Progresu Servisu Munisipal”.
Programa ne’e hala’o hosi Ministeriu Administrasaun Estatal (MAE), hodi hatene Progresu Servisu Autoridade no lider komunitaria sira nian hafoin Munisipiu Covalima hetan l Avaliasaun Kondisaun Minimu hosi Ekipa MAE no hetan Vijita ofisial husi Primeiru Ministru Kay Rala Xanana Gusmao, iha ambitu hakat ba Desentralizasaun Administrasaun no Poder Lokal.
Enkuantu fonte prinsipal iha Talk Show ne’e maka, Prezidente Autoridade Munisipiu Covalima rasik, Autoridade Postu Administrativu Zumalai no Xefe Suku Maudemu.
Portal Munisipal
TILOMAR, 31 Jullu 2026 — Administrador Postu Administrativu Tilomar, Sr. Venancio Sarmento, hamutuk ho Komisaun Organizadora (KO), realiza enkontru tékniku (technical meeting) ho treinador no ofisiál husi klubus desportivus hotu ho objetivu atu hametin preparasaun téknika no jestaun atividade.
Enkontru refere konfiiro ho parte hotu-hotu nia matenek no responsabilidade hodi simu jogu ne’ebé tuir planu sei hahú ho serimónia abertura iha loron 04 Agostu 2026. Kompetisaun ne’e sei halibur ekipa sira husi modalidade oioin, hanesan:
Iha nia lia-fuan, Administrador Postu Tilomar, Sr. Venancio Sarmento, husu ba jogadór sira hotu atu hatudu desempenu ne’ebé kualidade, ho espíritu desportivismu as, hodi hatudu ba públiku katak joventude Postu Tilomar hadomi duni desportu no hakribi violénsia.
Iha sorin seluk, Sr. Venancio mos apela ba treinador no ofisiál klubus sira, hanesan xefe ekipa ne’ebé lidera no mobiliza foinsa’e sira, atu kria estratejia téknika ne’ebé di’ak no sai ezemplu iha disiplina. Iha ne’e, desportu sai hanesan meiu forte ida hodi habelar amizade, hametin amizade, no mantein paz ho estabilidade iha Postu Administrativu Tilomar.
Kompetisaun Espesiál ba Funsionáriu no Autoridade Sira
Atu hametin liutan relasaun servisu no prosimidade ho komunidade, atividade ne’e mós sei inklui jogu amizade entre funsionáriu públiku no autoridade segurança:
Atividade desportiva ne’e ho objetivu atu kria ambiente paz, dame, no estabilidade social, nu’udar kondisaun fundamentál hodi simu no lori dezenvolvimentu ne’ebé susesu ba Postu Administrativu Tilomar iha futuru.
Pontu Fokal Portal Munisipal Munisipiu Covalima
Covalima, 30 Jullu 2026, Autoridade Munisipál Covalima, liu husi Prezidente Autoridade Munisípiu Covalima, Sr.Miguel Armada Cardoso, dirije reuniaun Konsellu Koordenasaun Munisipál (KKM 2) hodi rona no diskute kona-ba aprezentasaun Mapeamentu Rekursu Bee iha Munisípiu Covalima ne’ebé aprezenta hosi Diretór Nasionál Diresaun Regulasaun Agua no Saneamentu, Sr.Marcolino de Jesus da C.Babo, no aprezentasaun Mapeamentu Área Potensiál Abandonadu no Planu Dezenvolvimentu Setór Agrikultura, hosi Diretór Munisipál Agrikultor, Sr.Lino Magno.
Reuniaun KKM 2 ne’e, hala’o iha iha Salaun Administrasaun Munisipál, partisipa másimu hosi Sekretáriu Munisipál Planeamentu Dezenvolvimentu, Diretores Servisu Munisipál sira, Diretores Servisu Delegasaun Teritoriál sira, Komandante Bombeirus, Administradór Postu Administrativu hitu no Xefe Suku sira.
Portal Munisipal
Média PAM
Covalima, 30 Jullu 2026 – NGO Belun, hanesan organizasaun sosiedade sivil ida ne’ebe harii disipil iha tinan 2004 no foku ba pilar prinsipal tolu—prevensaun konflitu no promosaun dame, dezenvolvimentu kapasidade komunidade inkluzivu ho peskiza, hamutuk ho dezenvolvimentu politika no advokasia—seiduak tiha servisu hamutuk ho MJEDAC hodi realiza atividade diseminasaun programa ida iha Postu Administrativu Maucatar, Munisípiu Covalima.
Sesaun diseminasaun ne’e foku ba topiku “Timor-Leste nia Adezaun ba ASEAN: Oportunidade no Dezafiu ba Joventude Sira atu Kompete iha ASEAN Alinha ho Politika Nasionál Joventude”. Materia refere aprezenta direta husi Reprezentante Diretor Jeral Sekretariadu Asuntu ASEAN husi MJEDAC, Sr. Jacinto A. Ximenes no Mario Tilman.
Iha atividade importante ne’e, komunidade no autoridade sira hatudu entuziazmu boot no partisipasaun masivu husi kumpanheira sira, husi:
Enkontru no diseminasaun ne’e ho objetivu atu hamanas konesimentu joventude sira nian, fo perspetiva ne’ebe kle’an konaba mehi no preparasaun Timor-Leste nian nebe sai ona membru ASEAN, ho hein katak foin-sa’e sira iha munisípiu bele aproveita oportunidade ekonómika no edukasionál sira iha futuru.
Pontu Fokal Portal Munisipal Munisipiu Covalima
𝐂𝐎𝐕𝐀𝐋𝐈𝐌𝐀, 𝟐8 𝐉𝐮𝐥𝐥𝐮 𝟐𝟎𝟐𝟔, reprezenta Prezidente Autoridade Munisipiu Covalima Sr. Alberto Moniz de Araujo, atual Sekretáriu Administrasaun no Finansas Munisipiu Covalima hodi abertura ba Lansamentu Livru LALATAK NO ROMAN PIRILAMPU (Livru Memória Sobrevivente Pasadu) iha Salaun Munisipál Covalima.
Serimónia ne’e hetan partisipasaun husi Komandante Komandu PNTL Munisípiu Covalima, Superintendente Xefe Polísia Paulino Carmo Pereira, Prezidente PIRILAMPU, reprezentante Prezidente CM-CLN Munisípiu Covalima, Diretór Sentru Komunidade Covalima Dirjente PIRILAMPU Munisípiu Covalima, Dewan Solidaritas Mahasiswa Tim-Tim, inklui feto Sobrevivente sira hotu hosi suku 17iha Munisípiu Covalima, no mos parseiru dezenvolvimentu sira seluk.
Pontu Fokal Portal Munisipal Munisipiu Covalima
Covalima, 27 Jullu 2026, Komandante Komandu Polísia Nasionál Timor-Leste (PNTL), Superintendente Xefe Polísia Paulino Carmo Pereira, hamutuk ho Segundo Komandante PNTL Munisípiu Covalima, Superintendente Asistente Polísia Patrício de Jesus, hala’o mediasaun entre komunidade, União Agrikultura Covalima (UNARCO) no Prezidente Autoridade Munisípiu Covalima, relasiona ho desentendimentu ne’ebé akontese iha loron 24 Jullu 2026, iha Aldeia Lo’okeu Foho.
Mediasaun ne’e hala’o ho objetivu atu buka solusaun dame no hametin fila-fali relasaun di’ak entre Autoridade Munisípiu no komunidade ne’ebé envolve iha diskusaun ne’e. Durante enkontru ne’e, parte hotu-hotu hatudu kompromisu atu hakotu situasaun ne’ebé mosu ona no prevene atu akontesimentu hanesan ne’e labele repete iha futuru.
Hosi parte Prezidente Autoridade Munisípiu Covalima, Sr. Miguel Armada Cardoso, nia hato’o perdaun ba komunidade ho espírito lideransa ida ne’ebé valoriza dame, unidade no harmonia ba povu tomak iha munisípiu.
Enkuantu hosi parte komunidade, sira mós hato’o deskulpa ba Prezidente Autoridade Munisípiu Covalima kona-ba akontesimentu ne’ebé mosu. Komunidade afirma katak iha tempu badak sei organiza konferénsia imprensa hodi ofisialmente hato’o deskulpa ba públiku no esplika ho klaru kona-ba situasaun ne’ebé akontese.
Liu hosi mediasaun ne’e, espera katak relasaun entre Autoridade Munisípiu, komunidade no entidade relevante sira bele sai di’ak liután, hodi hametin dame, unidade no kooperasaun ba dezenvolvimentu Munisípiu Covalima.
(Média PAM Covalima
Pontu Fokal Portal Munisipal Munisipiu Covalima
© 2026 Autoridade Municipal de Covalima
