Suai, 27 Março 2026, Realiza renaiun Asemblia Postu Suai preside hosi Presidente   ASPA Postu Suai Sr. Idelfonso Maria Amaral atual Administrador Postu Administrativo Suai, Xefe Servisu Lokal Administrasaun Lokál, Xefe Centru Saúde Suai Vila, Reprezenta Edukasaun, Ekstensionista Postu Suai, SMASA postu Suai, Xefe Suku hosi suku 5 (Debos, Suai Loro,Camenaça, Beco no Labarai), Lia Na’in hosi suku 5, Reprezenta Antigu Kombantente Libertasaun Nasional, no Reprezenta Juventude Postu Administrativu Suai no Reprezenta Organizasaun Promotor Igualidade Jeneru. Atividade refere realiza iha Salaun Administrasaun Postu Administrativu Suai.

Reniaun Asembleia Postu Administrativo hanesan Misaun ida ne’ebe atu garante partispasaun lideransa komunitaria, representante sosiedade sivil no populasaun iha prosesu desizorio lokál, prinsipalmente liu husi hato’o parser nakait ho identifikasaun públiku hodi promove dezenvolvimentu lokál no hadiak liu tan organizasaun funsionamentu no kualifikasaun ba prestasaun servisu administrative lokál.

Iha Renaiun Asemblia Postu Suai ho ninia agenda principal mak :

1. Elaborasaun proposta prioridade PIIM/PDM 2027
2. Apresiasaun ba planu prioridade PNDS 2027

( la iha proposta alterasaun ordem traballu hosi Presidente Asembleia tamba ne’e la iha votasaun ba proposta ).

1. Apresentasaun taes inisial planu prioridade PIIM 2027, Husi Sr. Luizinho do Rego. Xefe Suku Beco, husu klarifikasaun hosi president Asembleia kona-ba planu prioridade ne’ebé asembleia aprova iha tinan kotu, liu-liu irigasaun Tafara. Ho ida ne’e Sr. Presidente Asembleia klarifika katak projeitu irigasaun Tafara aprovado no tinan ne’e sei implementa no iha mos projeito seluk hosi liñas sektorais, hanesan konstrusaun edifisiu Agrikultura Munisipiu ho kosntrusaun baleta hosi merkadu Debos ba to’o mota karau ulun (Quiar).
2. Aprezentasaun feramentu pararelismu hodi halo prioritizasan PIIM, hamutuk proposta sanulu resin tolu. Aprezenta husi Sr. Luizinho do Rego, hodi halo komparasaun hosi proposta ida ho proposta seluk to’o remata. Iha mos proposta tolu ne’ebé hetan pontus bo’ot liu sai nudar PIIM ba planu 2027 mak hanesan :

• Konstrusaun drainazen left, rinth Fatuisin-Manequin 1,3 km, suku Camenaça (pontus 11)
• Rehabilitasaun Sistema bee mos perfurasaun iha aldeia holbolu suku Beco (pontus 10)
• Konstrusaun edifisiu postu administrative Suai kompleta ho fasilidade pafing garazen ho postu seguransa (pontus 10)