ATIVIDADE ENKONTRU KOORDENASAUN NO AVALIASAUN TRIMETRAL DATOLU PNDS

ATIVIDADE ENKONTRU KOORDENASAUN NO AVALIASAUN TRIMETRAL DATOLU PNDS

Covalima, 02 Outobro 2026

Servisu Munisipál Apoiu Programa Nasional Dezenvolvimentu Suco (PNDS) halao atividade enkontru koordenasaun no avaliasaun Trimetral Datoluk. Preside hosi Reprezenta PAM Covalima Excelentissimo SECAM AF Sr. Alberto Moniz de Araujo akompña mos Diretor  Servisu Munisipál Apoiu PNDS Sr. Pedro de Araujo Gomes, xefe Seksaun Planeamentu dezenvolvimentu Lokal hosi postu 7 hamutuk ho Funsionariu PNDS. Atividade refere realiza iha Salaun Administrasaun Munisípiu Covalima.

Iha oportunidade ne’e Diretor  Servisu Munisipál Apoiu PNDS Sr. Pedro de Araujo Gomes, hatete enkontru ida ne’e realiza ho objetivu atu hare’e no intende progresu servisu durante fulan tolu ka trimetral datoluk, hodi hatene saida deit mak fasilitador postu sira hasoru iha baze, oinsa atu hatene aprosomasaun fasilitador Postu bai ha suku sira hodi garante partisipasaun komunidade no liu-liu 40 % partisipasaun ema ho difisiensia no Feto, parte tekniku atu fasilita EIP, kontrolu kualidade projeitu no mos oinsa tau matan ba konstrusaun projeitu, nune bele atinji metas ne’ebé iha.

Excelentissimo  Secretariu Munisípal Administrasaun Finansas, Sr. Alberto Moniz de Araujo salienta iha okaziaun ida ne’e, funsionariu PNDS atu partilla hanoin no hato’o prekupasaun liga ho knar tomak durante ne’ebé halao iha terenu durante fulan tolu ka bolu trimetral ninian. Ita boot sira ninia servisu tomak bele iha avaliasaun ba ita boot sira nia servisu durante fulan tolu, kritika malu para atu hadia erro ka lakunas sira ne’ebé infrenta ba komunidade iha baze. Tamba ne’e sujere katak  matadalan PNDS no PDM klaru los, andamentu matadalan hatete fundus hirak ne’ebé atu ezekuta so bale deit ba 70.000 mil mai kraik, ikus liu hosi intervensaun ida ne’e, subliña banhira fó sujestaun Sebele uja SWOT Analisis ou SMART Analisis.

 Agrnda Encontru Servisu Munisipál Apoiu Programa Nasional Dezenvolvimentu Suco (PNDS) mak hanesan :

1. Aprezentasaun no Aktualizasaun dadus Sistema IDA hanesan Ofisial Finansas/kontablista Munisípiu (Relatoriu gastus no aktualiza dadus Sistema IDA),Enjiñeru Munisípiu (Relatoriu programa fiziku no relatoriu monitorizasaun) no MIS (Aktualizasaun dadus Sistema IDA).
2. Aprezenta rezultadu monitorizaaun projeitu PNDS husi SLPDL
3. Aprezentasaun hosi FPA konaba Planu atividade mensal, relatoriu quick status, relatoriu gastus no progresu servisu.
4. Diskusaun no levanta isu monitorizasaun iha terenu.