COVALIMA, 03 Agostu 2026 – Administrador Postu Administrativu Tilomar, Sr. Venancio Sarmento, lidera serimónia isar Bandeira Nasionál ba primeiru semana fulan Agostu nian iha kaintál Postu Administrativu Tilomar.
Iha serimónia refere, Sr. Venancio Sarmento hato’o apelu servisu nian ba funsionáriu públicos hotu no mós fo sai kona-ba atividade desportivu ne’ebé sei la’o iha postu refere.
Apela Pontualidade no Responsabilidade Servisu
Iha nia diskursu, Administrador Postu Tilomar husu ba funsionáriu públicos hotu atu nafatin mantein pontualidade no kumpri sira-nia knár ho responsabilidade boot hodi fo servisu ne’ebé di’ak ba povu.
Abertura Jogu Komunitáriu iha Salele
Lia-mantein ho serimónia ne’e, Exmo Administrador mós konvida no husu ba membru Konsellu Suku sira hotu atu marka prezensa iha abertura Jogu Komunitáriu, ne’ebé sei realiza iha:
- Data: Tersa-feira, 04 Agostu 2026
- Oras: 14:00 OTL (Lókraik)
- Fatin: Kámput Futebol Salele
“Atividade desportivu ne’e iha objetivu no espíritu atu anima foin-sa’e no komunidade sira hotu, kria amizade no hametin unidade husi nivel Suku to’o Postu, nune’e bele husik hela estabilidade hodi simu dezenvolvimentu iha ita-nia rain,” dehan Sr. Venancio.
Garantia Seguransa no Partisipasaun Masa
Ba realizasaun jogu ne’e, parseiru seguransa husi F-FDTL, PNTL, inklui Unidade Patrulha Fronteira (UPF) deklara prontu atu garante seguransa no pás hosi inísiu to’o remata.
Serimónia isar bandeira ne’e hetan partisipasaun masivu husi:
- Komandante PNTL Eskuadra Tilomar
- Xefe Sentru Saúde Tilomar
- Xefe Suku nain haat (Casabauc, Maudemo, Beiseuc, no Lalawa) no sira-nia Konsellu Suku
- Funsionáriu Agrikultura
- Funsionáriu hotu husi Postu Administrativu Tilomar.
Pontu Vokal Portal Munisipal Munisipiu Covalima