TILOMAR, 31 Jullu 2026 — Administrador Postu Administrativu Tilomar, Sr. Venancio Sarmento, hamutuk ho Komisaun Organizadora (KO), realiza enkontru tékniku (technical meeting) ho treinador no ofisiál husi klubus desportivus hotu ho objetivu atu hametin preparasaun téknika no jestaun atividade.
Enkontru refere konfiiro ho parte hotu-hotu nia matenek no responsabilidade hodi simu jogu ne’ebé tuir planu sei hahú ho serimónia abertura iha loron 04 Agostu 2026. Kompetisaun ne’e sei halibur ekipa sira husi modalidade oioin, hanesan:
- Futeból: Ekipa/Klubu 18
- Voleiból Mane: Ekipa 6
- Voleiból Feto: Ekipa 6
- Ekipa Kalék no Jinástika
Iha nia lia-fuan, Administrador Postu Tilomar, Sr. Venancio Sarmento, husu ba jogadór sira hotu atu hatudu desempenu ne’ebé kualidade, ho espíritu desportivismu as, hodi hatudu ba públiku katak joventude Postu Tilomar hadomi duni desportu no hakribi violénsia.
Iha sorin seluk, Sr. Venancio mos apela ba treinador no ofisiál klubus sira, hanesan xefe ekipa ne’ebé lidera no mobiliza foinsa’e sira, atu kria estratejia téknika ne’ebé di’ak no sai ezemplu iha disiplina. Iha ne’e, desportu sai hanesan meiu forte ida hodi habelar amizade, hametin amizade, no mantein paz ho estabilidade iha Postu Administrativu Tilomar.
Kompetisaun Espesiál ba Funsionáriu no Autoridade Sira
Atu hametin liutan relasaun servisu no prosimidade ho komunidade, atividade ne’e mós sei inklui jogu amizade entre funsionáriu públiku no autoridade segurança:
- Funsionáriu Públiku Administrasaun Postu Tilomar sei kompete ho Funsionáriu Públiku husi Sentru Saúde Tilomar.
- Polísia Nasionál Timor-Leste (PNTL) mós sei partisipa hodi hametin amizade no konfiansa entre autoridade no foinsa’e sira.
Atividade desportiva ne’e ho objetivu atu kria ambiente paz, dame, no estabilidade social, nu’udar kondisaun fundamentál hodi simu no lori dezenvolvimentu ne’ebé susesu ba Postu Administrativu Tilomar iha futuru.
Pontu Fokal Portal Munisipal Munisipiu Covalima