Manatuto, 30 Agostu 2026, Presidente Autoridade Munisípiu Covalima, Sr.Miguel Armada Cardoso akompaña hosi Sekretáriu Munisipál Administrasaun Finansas, Sekretáriu Munisipál Asuntu Sosial no Komunitaria, Administradór Postu Administrativu sira, partisipa iha atividade Marsa Saudável, hodi komemora Loron Konsulta Popular, 30 Agostu 1999–30 Agostu 2026, ba dala 27, iha Munisípiu Manatuto.

Loron Konsulta Popular 30 Agostu 1999, nu’udar momentu istóriku importante ba povu Timor-Leste, ne’ebé liuhosi prosesu demokrátiku hatudu sira-nia vontade kona-ba futuru nasaun. Data ne’e sai parte importante husi trajetória luta povu Timor-Leste ba liberdade, independénsia no soberania.

Komemorasaun ba dala 27 ne’e mós sai oportunidade atu preserva no valoriza memória istórika, no transmite ba jerasaun atual no jerasaun foun valor sira kona-ba unidade, dame, solidariedade, liberdade no soberania nasional.

Atividade Marsa Saudável ne’e envolve membru Governu, Prezidente Autoridade Munisípal sira, lideransa lokál, membru F-FDTL no PNTL, estudante sira husi nível edukasaun primária, pré-secundária no sekundária, komunidade sira, hamutuk la’o ain husi Ponte Laclo to’o iha Fatin Serimónia Obrato, Manatuto.

Portal Munisipál Covalima
Media PAM