COVALIMA, 16 Novembru 2026 — Programa Nasionál Dezenvolvimentu Suku (PNDS) realiza sorumutu responsabilidade (akontabilidade) ho komunidade hodi aprezenta progresu no jestaun ba projetu reabilitasaun Kapela iha Aldeia Fatuk-Metan, Suku Beiseuk, Postu Administrativu Tilomar, Munisípiu Covalima.

Sorumutu ida-ne’e hala’o nu’udar parte importante husi siklu implementasaun PNDS nian atu garante transparénsia no partisipasaun ativa husi komunidade lokál. Iha enkontru ne’e, ekipa jestaun suku aprezenta detallu kona-ba ezekusaun orsamentu, utilizasaun materiál konstrusaun, inklui progresu fíziku husi obra reabilitasaun kapela refere.

Liuhusi atividade ne’e, komunidade Aldeia Fatuk-Metan bele akompaña diretamente prosesu konstrusaun no hato’o sira-nia hanoin ka sujestaun, nune’e projetu reabilitasaun ne’e bele remata ho kualidade di’ak no fó benefísiu ba sarani sira iha futuru.



Pontu Fokal Portal Munisipal Munisipiu Covalima


© 2026 Covalima Municipal Authority