Coavalima, 31 Agostu 2026, preside hosi Presidente Autoridade Munisípiu Covalima (PAM) Sr. Miguel Armada Cardoso Akompaña Sekretáriu Munisipál Planeamnetu Investimentu Dezenvolvimentu Integradu (SECAM PIDI)  Sr. Caetano dos Santos Ribeiro, Diretor Servisu Munisipál ho Diretor Delegasaun teritorriál sira, APA nain 7 no Reprezenta Xefi suku nain 7 iha Munisípiu Covalima. Atividade refere realiza iha salaun Administrativu Munisipál Covlima.

Iha okaziaun ida ne’e,  PAM halo intrudusaun kona-ba realiza KKM hanesan koordena no hala’o avaliasaun periódika ba atividades hirak ne’ebé hala’o hela hosi órgaun no Servisu Munisipál sai sasukat Avaliasaun Kondisaun Minimu,  tamba ne’e husu ba Diretora Servisu Munisipál Apoiu ONG no Organizasaun Komunitariu,  aprezenta SIGSA hodi hare mos funsionamentu Ofisial suku ninia papel, obstaklu ne’ebé sira infrenta no relatoriu servisu.

Oportunidade hanesan PAM mos apela ba Diretora Servisu Munisipál Edukasaun perzisa mantein kolabora diak ho Diresaun Servisu Munisipál Agrikultura, Servisu Munisipál Seguransa Alimentar no Servisu Munisipál Saude hodi ezekuta Merenda Escolar tuir metas ne’ebé iha.

Alende ida ne’e PAM mos partilla informasaun adisional ; dia 6 Setembro 2026 sei realiza atividade ruak mak : hamutuk ho Conselho dos Combatentes da Libertação Nacional (CCLN) organiza Marsa Saudavel no Organizasaun Masa ( Organizasaun RENETIL, Dewan Solidaristas Mahasiswa TIM-TIM,PRILAMPU, vitima Setembro Negro no Seluk-seluk tan).    

LE SAI ATA REUNIAUN IHA FULAN KOTUK 28 ABRIL 2026

Orientasaun Presidente Autoridade kona-ba aprezentasaun mapamentu area potensiál abandonadu no planu dezenvolvimentu setor agrikula :

1. Director Agrikultura no Extensionista sira atu identifika area potensiál ne’ebé abandonadu
2. Identifika area potensiál kada postu ne’ebé bele implementa SRI (System of Race Intensification) hodi aumenta produsaun no promove Pratika agrikultura modern.
3. Persiza formasaun ba extensionista sira hasa’e abilidade no koniesimentu iha setor agrikultura
4. Kria kondisaun ne’ebé diak nune’e bele aumenta produtividade no sustentablidade
5. Halo ona planu ba sentru lojistika Munisipál 2 iha Suai Loro no Beilaku.

Iha oportunidade hanesan Diretora Servisu Munisipál Apoiu ONG no Organizasaun Komunitariu Sr. Maria de Jesus Pereira Aprezentasaun Funsionamentu Livru 18 suku. Ho ninia funsaun uniformiza ka padraun ida ba administrasaun suku iha teritoria nasional Timor Leste, hodi promove, Pratika no inovasaun jestaun ho prestasaun servisu iha komunidade. Livru 18 suku fahe ba kategoria tolu :1. Livru Administrasaun Públiku (A_1-A₁₁), 2. Livru Administrasaun Populasaun ( B₁-B₅), 3. Livru administrasaun Dezenvolvimentu (C₁-C₂).

Iha biban ida ne’e Servisu Munisipál Edukasaun Aprezenta :

• Progresu ezekusaun programa merenda escolar, levantamentu dahuluk ba 30% hosi Marsu-Juñu 2026 ( 51 dias efetivus) benefisiariu total 16.684 estudante Ensino Baziku ho nia orsamentu total $ 352.593,19 no Ensinu Pre-Eskolar benefisiariu total 2051 estudante ho orsamentu $ 42.722,13. Neduni total benefisiariu EBF + EPE = 18.735 estudantes ho orsamentu $ 395.315,13.
• Konsensoens eskolar ho total benefisiariu 18.613 estudantes ho nia orsamentu $ 208.095,09 ba Ensino Baziku no Ensino Pre-Eskolar.
• Mapamentu infra-estrutura kompostu hosi : Infra-estrutura eskola ne’ebé diak iha 102, Infra-estrutura eskola ne’ebé persiza rehablita 19 no Infra-estrutura eskola ne’ebé at liu persiza konstrui foun 24. Infra-estrutura ne’ebé halo hosi PNDS iha 2026 mak; edifisiu escolar pre-eskolar 1, Uma merenda escolar 14 no Uma ba professor 0. Infra-estrutura ne’ebé konstrui hosi Ministeriu Edukasaun mak; edifisiu escolar pre-eskolar ho Ensino Baziku total 6 no edifisiu eskola Ensino Sekundariu iha 1.

Portal Munisipál Covalima