Covalima, 09 Jullu 2026 – Servisu Munisipál Apoiu ONG no Organizasaun Komunitária foin realiza enkontru koordenasaun boot ida ho parseiru dezenvolvimentu sira iha Salán Autoridade Munisipál. Sorumutu ne’e dirije hosi Exmo. Prezidente Autoridade Munisipál Covalima, hamutuk ho Exmo. Sekretáriu Asuntu Sosiál no Organizasaun Komunitária, no Diretóra Servisu Munisipál.
Enkontru ne’e sai hanesan fatin ida ba ONG lokál, nasionál, no ajénsia internasionál sira hodi aprezenta progresu, rezultadu, área albu, dezafiu, no rekomendasaun ba Semestre I (Janeiru-Juñu 2026) nian ba Governu Lokál. Iha mós okaziaun ne’e, parseiru dezenvolvimentu sira hatutan kedas sira-nia planu atividade ba Semestre II (Jullu-Dezembru 2026).
rona tiha aprezentasaun sira-ne’e, Prezidente Autoridade, Sekretáriu, Dirijente Servisu Munisipál, hamutuk ho Administradór Postu sira fó apresiasaun aas ba servisu hotu, hodi hato’o mós sujestaun ho rekomendasaun importante balu, ho meta atu lori ezekusaun programa sira iha Munisípiu Covalima sai profisionál no kualidade liután ba oin.
Eventu ne’e marka prezensa hosi estrutura tomak; hahu hosi Diretór, jerente, jestór projetu, no koordenadór parseiru nian, to’o Diretór Servisu Munisipál Saúde no Edukasaun, inklui Administradór hosi Postu Administrativu hitu (7): Suai, Maucatar, Zumalai, Tilomar, Fohorem, Fatumean, no Fatululic.
Pontu Vokal Portal Munisipal Munisipal Covalima