𝐂𝐎𝐕𝐀𝐋𝐈𝐌𝐀, 03 𝐀𝐠𝐮𝐬𝐭𝐮 2026 – Komandante Komandu PNTL Munisípiu Covalima, Superintendente Xefe Polísia Paulino Carmo Pereira, sai inspetur serimónia iha atividade Isar Bandeira Nasional Repúblika Demokrátika Timor-Leste (RDTL) ba semana dahuluk fulan Agustu tinan 2026 , akompaña mos hosi Presidente Autoridade Munisipiu Covalima Sr. Miguel Armada Cardoso, Sekretariu Munisipál Administrasaun Finansas, Sr. Alberto Moniz de Araújo, Sekretáriu Planeamentu Investimentu Dezenvolvimentu Integradu Sr. Caetano dos Santos Ribeiro, Sekretariu Munisipál Asuntu Sosiál no Organizasaun Sr. Filomeno Cardoso no Diretor Sesante sira. Serimónia isar bandeira ne’e hala’o iha, resintu Autoridade Administrasaun Covalima.

Iha okaziaun ne’e, Komandante Munisípiu atualiza informasaun no situasaun jerál iha Munisípiu Covalima, ba Autoridade Munisipál, Funsionáriu inklui membru PNTL sira.

Iha parte seluk, Komandante hateten,” atu garantia estabilidade no trankilu iha ita-nia Munisípiu, laos de’it responsabilidade parte Polísia nian, maibe presiza ita hotu-hotu nia kooperasaun no kolaborasaun servisu hodi prevene no kombate krime hirak ne’ebé sempre akontese”.

Autoridade Munisipál hirak ne’ebé partisipa, hanesan, Prezidente Autoridade Munisipál Covalima, Sekretáriu Autoridade Munisipál nain tolu, Xefe Seksaun PNTL sira, Diretór servisu delegasaun servisu munisipál no delegasaun teritórial sira hotu, inklui Funsionáriu sira, membru PNTL sira, Diresaun DNSPPP, Korpu Bombeiros, Guarda Floresta inklui Guarda Prizional Suai.

Portal Munisipal
Media PAM
Media PNTL Covalima