TILOMAR, 11 JUÑU 2026 – Administrador Postu Administrativu Tilomar halo abertura no lansamentu ofisiál ba implementasaun projetu Programa Nasionál Dezenvolvimentu Suku (PNDS) nian ne’ebé sei kobre suku hat (4) iha Postu Administrativu Tilomar.
Projetu dezenvolvimentu sira ne’ebé lansa ona mak hanesan tuir mai ne’e:
- Suku Maudemo: Perfurasaun bee moos iha Aldeia Caicoli.
- Suku Casabauk: Perfurasaun bee moos iha Aldeia Kawa Uman.
- Suku Beiseuk: Konstrusaun Uma Pré-Eskolár iha Aldeia Ai-oan.
- Suku Beiseuk: Reabilitasaun Kapela iha Aldeia Fatuk Metan.
Lansamentu ne’e konta ho partisipasaun másimu husi Diretór PNDS Munisípiu, Administrador Postu Administrativu (APA) Tilomar, komandante eskuadra Salele, Polísia Suku (OPS), Aman Veteranu sira, parseiru fornesedór, ekipa serbisu-na’in, ekipa PNDS iha nivel suku no postu, inklui mós komunidade sira husi suku hat ne’e.
Iha biban ne’e, komunidade husi Aldeia Caicoli, Suku Maudemo, Sente haksolok no agradesimentu boot ba projetu perfurasaun bee moos ne’e. Sira relata katak, durante tinan 24 Timor-Leste ukun-an, sira hasoru dezafiu boot tebes hodi asesu ba bee moos. Durante ne’e, sira tenke la’o ain hodi lalin bee husiSumur Bor ho distánsia hamutuk kilómetru rua (2).
Iha fatin hanesan, Exmo. Administrador Postu Administrativu Tilomar fó rekomendasaun no apela ba ba Xefe Suku sira hotu. Nia husu atu xefe suku sira halo kantu no kontrolu didiak ba ezekusaun projetu sira ne’e, hodi tuir duni kriteria kontratu ne’ebé PNDS fó ona. Administrador ne’e subliña katak, ho kontrolu ne’ebé diak, projetu sira ne’e bele finaliza sedu no labele ezekuta fali orsamentu adisionál sira, nune’e bele evita devolve osan ba Kofre Estadu.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest