COVALIMA, 13 Novembru 2026 — Autoridade Munisipál Covalima, liu husi Servisu Munisipál Finansas, realiza reuniaun ida hodi halo avaliasaun ba taxa ezekusaun orsamentu husi trimestre dahuluk (Q1) to’o trimestre datoluk (Q3), ne’ebé kobre períodu fulan Janeiru to’o Setembru tinan 2026.

Serimónia abertura ba reuniaun ne’e hala’o diretamente husi Prezidente Autoridade Munisípiu (PAM) Covalima, Sr. Miguel Armada Cardoso, iha Salaun Autoridade Munisipál Covalima.

Atividade avaliasaun ida-ne’e importante tebes hodi haree no sukat progresu servisu no ezekusaun orsamentu husi kada servisu munisipál no postu administrativu sira, nune’e bele identifika dezafiu sira iha terrenu no hadi’a liután dezempeñu ba trimestre ikus tinan 2026 nian.

Marka prezensa iha reuniaun ne’e mak hanesan Sekretáriu Administrasaun no Finansas, Sekretáriu Munisipál Interinu ba Planeamentu Investimentu Dezenvolvimentu Integradu, Diretores husi Servisu Munisipál sira, Xefe Departamentu Finansas, Pontu Fokál Finansas, Administradór Postu Administrativu na’in-hitu (7), Xefe Servisu Lokál Finansas, inklui mós Asesór husi programa PARTISIPA hamutuk ho nia ekipa téknika.





Pontu Fokal Portal Munisipiu Covalima


© 2026 Autoridade Municipal de Covalima