Covalima, 03 Agostu 2026, Ekipa Avaliasaun Kondisaun Minima (AKM) husi Ministériu Administrasaun Estatal (MAE) dirije hosi Diretor Jeral Institutu Nasional Administrasaun Publika (INAP) Policarpo Almedia Boavida ho ekipa, hala’o Avaliasaun Kondisaun Minima daruak nian ba Autoridade Munisipiu Covalima, Diretores Servisu Munisipais 20, Autoridade Postu Administrativu 7, kona-ba Dezenpeñu Estrutura no Kapasidade Institusionál Autoridade Munisipál.
Diretor Jeral INAP, Policarpo Almedia Boavida hato’o ninia intervensaun iha okaziaun ida ne’e ; Iha primeira faze de avalaisaun kondisaun Minima ita hare focus liu ba iha protidaun administrativu institusional em geral, agora ida Segunda faze nene mais determinante. Tansa mak mais determinante? Portantu ita fokus liu ba iha kapasidade tekniku, funsional operasional no lideransa. Hanesan horseik ita lao ho prosesu tomak. Hosi ekipa avaliador nia uza nafatin metos ne’ebe ita lao dadaun, alende ita boot sira halo auto avaliasaun tuir kondisaun ne’ebe mak ita boot sira infrenta, ita boot sira fo pontus de avaliasaun, ami mos hare hosi parte dokumentus, pergunta liu hosi komfirmasaun, perguntas, no verifikasaun direita, observasaun hare ba prosesu, ikus ita hakarak halao valiadasaun ba iha evidensia. Evidensia mak ita hein komesa hosi horseik ate agora, para atu bele komvense saida mak ita halo nene, konvense duni ho dadus sira ne’ebé dadaun ne’e ita boot sira halao. Neduni komesa ohin ba oin, excelentisimo PAM no Strutura tomak iha Munisipiu Covalima, prepara a’an nafatin, nafatin halo jestaun, atu kompleta nafatin dadus ne’ebe ita verifika, hodi nune iha futuru karik iha follow up hosi ita nia orgaun kompentente balu, ita bele esklarese ba sira saida maki ta halo, ita mos bele konvensa sira ho dadus ne’ebé ita prepara.
Nia mos subliña tan “ami mai iha ne’e la hanorin ita boot sira, la mai ditadu baita boot sira, tamba prosesu ne’e, ita boot sira mak involve direita, ita boot sira mak intende liu, banhira ami dadalia ho PAM buat hotu-hotu lao estruturadu. Espera katak iha diresaun sira hotu hanesan saida mak PAM kulia, ami fiar katak konvense duni ho dadus ne’ebé iha. Hakarak fahe tan exemplu kiik ida iha biban ida ne’e; ita halao konvokatoriu, sasan sira ne’e ita atu komprova ho saida? Ita tenke iha ajenda, lista prezensa, akta enkontru, dukumentasaun no dukumentus sira seluk. Ida ne’e mak ita tenke tau hamutuk hodi asegura. Ita hotu iha mehi, ita hotu iha espektasaun, Covalima tenke simu poder lokal, buat ne’ebe mak atu fo ba ita mak Covalima iha ekipa ne’ebé forte, atu realiza mehi tenke kontribuisaun hosi ita hotu. La iha mehi ne’ebé atu mai seim kontribuisaun hosi individual ou mai hosi ekipa sira seluk, neduni reforsa no fo hanoin malu nafatin. Ekipa Elaborador nafatin suporta, tamba dadaun ne’e sei lao iha prosesu nia laran.
Presidente Autoridade Munisipiu Covalima Sr. Miguel Armada Cardoso mos hato’o Agradese wain ba Aman Maromak ba rai ida ne’e, ba matebian sira, katak iha loron rua nia laran ita halao ezersisu boot ida, foku liu bai ha avalisaun kondisaun minimu ba daruak, ezersisu tomak hosi nasional no munisipal lao diak, ida ne’e mak ita nia rezultadu. Neduni la iha buat seluk ida atu hato’o ba ekipa elaborador, agradese tamba tulun ona ami, hodi halo prosesu avaliasaun konsidaun minumu ida ne’e, ami nia dukumentus, ami nia responde ba perguntas ruma la monu karik ka la kondis karik, la singkroniza karik ho ita boot sira nia hanoin ou dukumenuts sira la apar karik, ida ne’e mak ami nia forsa, ida ne’e mak ami nia ezersisu tomak, ami fiar katak liu hosi ita boot sira nia hanoin, ami nia esforsu mak ida ne’e laliu ami nia kapasidade. Ami fiar katak buat hotu ami intrega ona, ita boot sira mak avalia no fo apresia diak ka at, ida ne’e ita boot sira nia kompetensia.
Ekipa Avaliasaun Kondisaun Minima (AKM) husi Ministériu Administrasaun Estatal (MAE) ne’ebé dirije hosi Diretor Jeral Institutu Nasional Administrasaun Publika (INAP) Policarpo Almedia Boavida ho ekipa, hala’o Avaliasaun Kondisaun Minima daruak iha Munsipiu Covalima durante loron rua, hahu hosi loron Segunda Feira to Tersa Feira, dia 3-4 fulan Augostu 2026.
Pontu Fokal Portal Munisipal no Media Covalima