FOHOREN, 16 Novembru 2026 — Konsellu Suku hamutuk ho Ofisiál Suku Fohoren, Postu Administrativu Fohoren, Munisípiu Covalima, realiza enkontru regulár ida hodi halo koordenasaun no avaliasaun ba servisu administrasaun lokál nian.

Enkontru ida-ne’e ho objetivu prinsipál atu hametin liután liña koordenasaun no dezempeñu servisu entre estrutura Konsellu Suku no Ofisiál Suku sira, hodi nune’e bele hadi’a kualidade atendimentu públiku no liga diretamente ba promosaun bem-estar komunidade nian iha Suku Fohoren.

Liu husi sorumutu ne’e, estrutura suku diskute kona-ba mekanizmu servisu ne’ebé efikás liu, identifika nesesidade urjente sira iha baze, no trasa planu asaun ba oin atu garante katak programa no atendimentu hotu bele responde ba interese komunidade nian ho lalais no transparente.



Pontu Fokal Portal Munisipal Munisipiu Covalima


© 2026 Autoridade Municipal de Covalima