Covalima, 05 Setembru 2026 – Autoridade Munisípiu Covalima hamutuk ho komunidade, sobrevivente, família vítima sira, no estudantes hala’o marsa hamutuk husi edifísiu Administrasaun Munisípiu nian to’o Monumentu Setembru Negru Suai. Atividade ne’e hala’o hodi relembra no mehi reflesaun ba trajédia Masakre 6 de Setembru ba dala-27 (6 Setembru 1999 – 6 Setembru 2026).
“Memória sei moris nafatin, sakrifísiu sira sei la haluha, no istória sei nafatin ko’alia,” marsa ne’e sai nu’udar símbolu solidariedade nian hodi labele haluha istória naruk ba ukun rasik-an, liuliu ba vítima sira ne’ebé lakon vida iha Masakre Igreja Ave Maria Suai.Objetivu Prinsipál ba komemorasaun ida ne’e atu Dignifika no fó omenajen aas ba erói no martir sira ne’ebé husik hela sira-nia vida iha trajédia “Setembru Negru”
Pontu Fokal Portal Munisipiu Covalima