COVALIMA, 14 Setembru 2026 – Presidente Autoridade Município Covalima, Sr. Miguel Armada Cardoso, Lic.Eco, partisipa no foti parte direta iha atividade koileta li’is (bawang) ne’ebé ho susesu hala’o iha Aldeia Belulic Craic, Suku Belulic Leten, Postu Administrativu Fatumea.
Atividade ne’e sai hanesan baze ba kumpromisu Governu Munisipal nian hodi apoiu no motiva setór agrikultura iha nasionál no munisípiu, liuliu atu hasa’e produsaun ai-han lokál no hametin ekonomia komunidade nian.
Iha biban ne’e, Presidente Autoridade Munisípiu hetan akompañamentu husi konjuntu dirijente no autoridade sira:
- Sr. Carlito Barros dos Reis, Diretór PDIM Munisípiu Covalima
- Sr. Filomino Saldaña, Xefe Departamentu Extensionista Munisípiu Covalima
- Sr. Domingos Sequeira, Diretór Servisu Saúde Munisípiu Covalima
- Sr. Secar Madeira Amaral, Lic.Sp, Administradór Postu Administrativu Fatumea
- Xefe Suku Belulic Leten hamutuk ho Xefe Aldeia
- Segundu Komandante Peletaun Postu UPF Fatumea hamutuk ho Membru UPF Postu Belulic Craic
- Funsonáriu Extensionista sira ne’ebé destakadu iha Postu Administrativu Fatumea no komunidade lokál sira.
Presensa dirijente sira nian no ksolok ne’ebé hatudu husi komunidade lokál hatudu sinergia ne’ebé forsa no metin entre autoridade munisipal, agrikultura, seguransa, no povu sira hodi hamutuk dezenvolve setór agrikultura iha fronteira.
Pontu Fokal Portal Munisipiu Covalima