Prezidente Autoridade Covalima Tun ba Terenu, Observa Komunidade ne’ebé Afetadu husi Inundasaun

Covalima, 24 Maiu 2026 – Autoridade Munisípiu Covalima, liu husi Prezidente Autoridade, Sr. Miguel Armada Cardoso hamutuk ho nia ekipa, tun direita ba terenu hodi observa no halo levantamentu dadus ba komunidade sira ne’ebé afetadu husi inundasaun, tanba kauza husi udan boot ne’ebé akontese durante semana tolu tuituir malu.

Komunidade sira ne’ebé hetan impaktu ne’e lokaliza iha Postu Administrativu Suai (Suku Beco), Postu Zumalai (Suku Tashilin), no Postu Tilomar (Aldeia Tabolo Suku Casabauc). Hafoin tiha identifikasaun ne’e, ekipa foti kedas dadus hodi relata ba governu sentrál, nune’e bele hetan apoiu imediata no foti fali medida ruma.

Ekipa iha terenu identifika katak, inundasaun ne’e akontese tanba bee-dalan (bueiru/valeta) kloot iha área Autoestrada nian. Ida-ne’e halo udan-been la suli diretu ba tasi, hodi nune’e bee sa’e fali ba fatin aas no estraga komunidade sira-nia uma no sasán.

Iha entrevista, Prezidente Autoridade Munisípiu Covalima informa katak bee-dalan iha parte autoestrada nian kloot liu tanba uza de’it anilla (bueiru kabuar). Konsekwensia husi ne’e, bee labele sai hotu, no tanba rai-henek, fatuk, inklui ai-rohan sira nakonu hodi nakotu tiha, bee fila fali ba komunidade sira-nia hela-fatin.

“Tanba ida-ne’e, ami koko hanoin hela katak Autoestrada iha área Beco nian presiza ko’a hodi halo fali ponte. Nune’e bele normaliza fali bee-dalan atu suli diretu ba tasi. Se lae, kada tinan ita sei labele rezolve problema inundasaun ne’e,” dehan Prezidente.

Prezidente mós apela ba komunidade tomak iha Covalima, tantu lider komunitaría, autoridade lokál, partidu polítiku sira, igreja, no sosiedade sivíl tomak—bazeia ba sirkulár ne’ebé hasai ona—atu tau matan hodi koopera hamutuk. Presiza tebes hotu-hotu nia konsiénsia atu: