Ohin loron Segunda feira, 08 Juñu 2026 Servisu Munisipál Apoiu PNDS realiza treinamentu ida kona-ba Sistema Informasaun Dadus no Avaliasaun (IDA) Versaun 2 durante loron rua 08-09 Juñu 2026. Atividade ne’e loke rasik husi Exmo. Prezidente Autoridade Munisipál (PAM) Covalima, ho apoiu hosi Asesor PARTISIPA no Sekretariadu Tékniku PNDS Nasionál.
Objetivu prinsipál husi treinamentu ne’e mak atu hametin koñesimentu utilizadór sira-nian kona-ba oinsá hatama, atualiza, no taka (ensera) dadus iha Sistema IDA. Sistema Ida-ne’e atu garante prosesu dijitalizasaun no kualidade relatóriu atividade PNDS nian iha futuru.
Formasaun ne’e uza metodolojia prátika no hetan partisipasaun másimu husi Fasilitadór sira husi Postu Administrativu hitu (7) Fatululic, Maucatar, Fatumea, Fohorem, Tilomar, Suai no Zumalai, ne’ebé kompostu husi Tékniku, Finansas, no Sosiál. Alen de ne’e, ekipa téknika husi nivel Munisípiu mós marka prezensa, hanesan Enjeñeiru, Kontabilista, no Responsável MIS Munisípiu nian.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest