Iha loron 02 Juñu 2026, Fasilitador PNDS husi Postu Administrativu Zumalai hahú hala’o treinamentu no kapasitasaun ba Ekipa Estrutura Suku PNDS konaba implementasaun programa PNDS iha baze. Treinamentu ida-nee realiza uluk iha Suku Raimea no Suku Lour, no sei kontinua ba suku sira seluk ne’ebé pertense ba Postu Administrativu Zumalai.
Partisipa iha atividade nee mak membru Konsellu Suku no mós Estrutura Suku PNDS rasik, ho fasilitasaun direta husi Fasilitadór Postu nian.
Objetivu prinsipál husi treinamentu nee mak atu kapasita membru estrutura suku nain hitu (7) hodi bele:
- Komprende ho kle’an kona-ba sira-nia knar (funsaun) no papel iha implementasaun programa.
- Domina prosesu planeamentu iha PNDS hodi identifika programa prioridade sira ne’ebé responde duni ba nesesidade komunidade nian.
- Dezenvolve planu atividade no planu servisu ne’ebé diak hodi nune’e bele kontrola ho másimu atividade PNDS hotu iha suku laran.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest