LOUR — Iha loron 6 fulan-Jullu tinan 2026, Konsellu Suku Lour hala’o ona sira-nia enkontru ba primeira semana nian iha Sede Suku Lour. Enkontru ne’ebé lidera diretamante husi Xefe Suku ne’e, konta mós ho partisipasaun ativu husi membru Konsellu Suku, Xefe Aldeia sira, no reprezentante relevante hotu.
Enkontru ne’e ho objetivu prinsipál atu hametin koordenasaun no hamesak serbisu iha aldeia hotu, liuliu kona-ba kampaña hamos foer iha bairru no aldeia sira. Iha biban ne’e, Konsellu Suku husu no kbiit ba Xefe Aldeia sira hotu atu mobiliza no dudu komunidade sira hodi halo asaun hamutuk (bairru-fasi): hamos dalan-hun, fatin públiku, sori-sorin uma-kain nian, no halakon lixeiras ilegál (fatin so’e foer ne’ebé la loos).
Atividade kampaña limpeza ne’e importante tebes hodi kria ambiente ida ne’ebé moos, saudável, no hakmatek. Ho nune’e, bele prevene moras oioin no simu moris-di’ak nian ba komunidade tomak.
Konsellu Suku Lour hato’o apelu boot ba mós sidadaun hotu atu partisipa ativamente iha serbisu hamutuk ne’e, tanba limpeza la’ós de’it kestaun privadu, maibé responsabilidade ita hotu nian. Ho kooperasaun no solidariedade ne’ebé metin, Suku Lour sei sai fatin ne’ebé moos, furak, no saudável ba ema hotu.
Pontu Vokal Portal Munisipal Munsipiu Covalima