COVALIMA — Iha loron Tersa-feira, 30 fulan-Juñu, hala’o serimónia lansamentu hodi hatuur fatuk dahuluk ba konstrusaun Kapela São Pedro Dato Moris, Parókia Fohorem, Suku Dato Tolu. Lansamentu ida-nee reprezenta mós suku haat (4) iha Postu Administrativu Fohorem, ho totál projetu hamutuk haat.
Eventu ne’e konta ho partisipasaun husi Amo Vigáriu (reprezenta Amo Pároku Fohorem) no Administradór Postu Administrativu Fohorem.
Iha ninia intervensaun, Amo Vigáriu apela ba traballadór sira no komunidade atu servisu hamutuk, hatudu onestidade, no responsabilidade, nune’e bele garante kualidade no finaliza konstrusaun ne’e tuir tempu n’ebé determina ona (fulan tolu).
Serimónia lansamentu ne’e hetan partisipasaun másimu husi sarani sira, Konsellu Suku, Estrutura Suku PNDS, Fasilitadór Postu Administrativu Fohorem, no Ekipa PNDS Munisípiu.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest