Zumalai, Covalima – Servisu Munisipal Apoiu Organizasaun Naun Governamentais no Organizasaun Komunitárias (SM-AONGOK) foin lalais ne’e realiza atividade asisténsia téknika ba administrasaun suku haat (4) iha Postu Administrativu Zumalai, Munisípiu Covalima. Atividade ne’ebé la’o durante loron rua, hosi tersa-feira to’o kuarta-feira (09-10 Jullu 2026), kobre Suku Tazhilin, Raimea, Zulo, no Lour.
Atividade ne’e ho objetivu atu hasa’e kapaasidade ofisiál suku sira mak hanesan Sekretáriu Suku, Ofisiál Administrasaun, Finansas, no Ofisiál Sosiál—konaba mekanizmu prienxementu Livru Rejistu Sanulu-resin-Walu (18), jestaun arkivamentu manuál, no mós prosesu arkivamentu dijitalizasaun dokumentu.
Atividade ne’e Diriji hosi Xefe Departementu Apoiu ONG, Sr. Edmundo Ferreira, no hetan partisipasaun másimu hosi Xefe Suku nain haat, Polísia Komunitária (PNTL), Ofisiál Apoiu ONG, Ofisial Apoiu Suku, Xefe Aldeia sira nomós Pontu Vogál Portal Munisipál nian. Iha servisu Apoiu Tékniku ne’e la’o ho susesu tanba estrutura suku no konsellu suku sira hatudu kompreensaun ne’ebé di’ak tebes kona-ba oinsa jere arkivu no maneira prienxementu livru 18 administrasaun suku nian.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest