Covalima, Segunda-Feira (29/-30 /06/2026) – Organizasaun Naun-Governamentál (ONG) Internasionál, World Food Programme (WFP), realiza formasaun kapasitasaun kona-ba Programa Merenda Eskolá ba fornecedor sira husi eskola públika no privadu hotu iha Postu Administrativu Tilomar. Formasaun ne’e mós deziña ba Diretór Eskola Ensinu Báziku Sentrál (EBC) Salele no EBC Fohobua, Xefe Gabinete, no Kordenadór eskola sira.
Objetivu prinsipál husi formasaun ne’e nudar pasu hodi prepara menu aihan ne’ebé ekilibradu no saudavel, liuliu kona-ba dezempeñu grama nian ba etu, na’an, modo, no aifuan sira, hodi kumpri ba menu ne’ebé determina ona husi loron Segunda to’o Sesta-feira. Iha biban ne’e, WFP mós fó prátika direta kona-ba oinsá fornecedor sira bele jere no haraik aihan sira-ne’e ho kualidade ne’ebé di’ak no loos.
Iha fatin hanesan, Administradór Postu Administrativu Tilomar, Sr. Venancio Sarmento, Lic.Ed, foti liafuan hodi deklara nudar ksolok no agradese boot ba inisiativa ne’e. Tuir nia, formasaun kapasitasaun ne’e sei foti koñesimentu foun ba fornecedor sira hodi nune’e sira bele hala’o sira-nia papél ho di’ak liután iha futuru.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest