hatoó ba : Sua Exelénsia Prezidente Autoridade Munisípiu Covalima,
Sr. Miguel Armada Cardoso, Lic. Eco
Assuntu : Submisaun Perfil Balkaun Úniku Munisípiu Covalima
Ho respeitu,
Liu husi karta ida ne’e, ami husi Balkaun Úniku Munisípiu Covalima hakarak hato’o profundu respeitu no konsiderasaun ba Sua Exelénsia Prezidente Autoridade Munisípiu Covalima.
Tuir planu servisu no nesesidade administrativu iha nivel munisípiu, ami submete Perfil Balkaun Úniku
Munisípiu Covalima hanesan dokumentu ofisiál ne’ebé deskreve kona-ba estrutura organizasaun, rekursu humanos, tarefa servisu no progresu atividade Balkaun Úniku iha Munisípiu Covalima.
Objetivu husi submisaun dokumentu ne’e mak atu:
1. Fó informasaun ofisiál kona-ba funsionamentu Balkaun Úniku Munisípiu Covalima; 2. Apoia prosesu administrasaun no koordenasaun servisu iha nivel munisípiu; 3. Sai hanesan referénsia ba hadi’a kualidade servisu públiku ba komunidade.
Ho ida ne’e, ami hein katak dokumentu perfil ne’e bele simu no konsidera husi Sua Exelénsia, atu bele sai hanesan dokumentu suportu iha implementasaun servisu Balkaun Úniku iha Munisípiu Covalima.
PERFIL INFORMASAUN
BALKAUN ÚNIKU MUNISÍPIU COVALIMA
- Identifikasaun Instituisaun
Naran Instituisa : Balkaun Úniku de Covalima
Munisípiu : Covalima
Natureza Servisu : Servisu públiku integradu hodi fó atendimentu administrativu bakomunidade.
2. Lideransa / Koordenasaun
Balkaun Úniku Munisípiu Covalima ne’e deriji husi:
Naran Kompletu : Minarni Imaculada da C. F. Barros, S.E
Pozisaun : Koordenadora – BU
Númeru Telemóvel : +670 7744 1147
Email : minarni_ferreira@yahoo.com
3. Rekursu Humanos
Lista funsionáriu sira iha Balkaun Úniku Munisípiu Covalima:
ORGANOGRAMA BALKAUN ÙNIKU MUNISÌPIU COVALIMA
4. INTRODUSAUN KONABA PROGRESU SERVISU BALKAUN ÚNIKU IHA MUNISÍPIU COVALIMA
Iha fulan Janeiru tinan 2026, Balkaun Úniku Munisípiu Covalima kontinua hala’o nia knaar ho objetivu atu fornese servisu públiku ne’ebé efisiente, transparente no asesível ba komunidade iha munisípiu Covalima. Nudar fatin integradu ba servisu governamentál sira, Balkaun Úniku sai hanesan ponte entre governu no komunidade hodi fasilita prosesu dokumentu ofisiál no informasaun administrativu.
Durante fulan ne’e, progresu servisu Balkaun Úniku hatudu dezenvolvimentu signifikativu iha área atendimentu publiku, liu husi hadi’a kualidade atendimentu, rapidez prosesamentu dokumentu no aumentu koordenasaun entre instituisaun sira ne’ebé integra iha balkaun úniku. Komunidade sira iha asesu ne’ebé di’ak liu ba servisu hanesan registu Bilhete Identidade, registu kriminal, estadu sivil no servisu administrativu seluk.
Aleinde ne’e, Balkaun Úniku Munisípiu Covalima mós esforsu atu reforsa disiplina servisu, pontualidade funsionáriu sira no implementa sistema atendimentu ne’ebé ordenadu hodi asegura katak sidadaun sira hetan servisu ho lalais no efisiente. Progresu hirak ne’e hatudu komitmentu forte husi ekipa Balkaun Úniku iha apoiu ba governasaun di’ak no dezenvolvimentu administrativu iha nivel munisipál.
5. Natureza:
Balkaun Úniku mak servisu públiku ne’ebé integra atendimentu administrativu no servisu governamentál sira iha fatin ida deit hodi fasilita asesu komunidade ba servisu estadu.
6. Vizaun:
Fornese servisu públiku ne’ebé efisiente, transparente no asesível ba komunidade hodi hadi’a kualidade atendimentu governu iha nivel munisipál.
7. Misaun:
- Halo integrasaun servisu administrativu governu nian iha fatin ida.
- Fasilita prosesu dokumentu ofisiál ba sidadaun sira.
- Hadi’a efisiénsia, transparénsia no rapidez atendimentu públiku.
- Aproxima servisu governu ba komunidade.
8. Objetivu Prinsipál:
- Reduz tempu no kustu atu hetan servisu públiku.
- Hadi’a kualidade atendimentu ba sidadaun.
- Kria sistema servisu ne’ebé simples no integradu.
- Reforsa boa governasaun no transparénsia administrativu.
9. Servisu Prinsipál sira:
Balkaun Úniku Munisípiu Covalima fó atendimentu ba dokumentu no servisu hanesan:
- Registu Bilhete Identidade (BI)
- Registu Kriminal
- Registu PassaporteInformasaun servisu governamentál
- Apoiu dokumentasaun ba komunidade
10. Benefisiu ba Komunidade:
- Servisu lalais no efisiente
- Prosesu simples no fasil
- Reduz fila naruk iha instituisaun oioin
- Aumenta konfiansa komunidade ba servisu públiku
11. Papel iha Dezenvolvimentu Munisípiu:
Balkaun Úniku Munisípiu Covalima iha papel importante hodi:
- Suporta administrasaun públika iha nivel lokal
- Hadi’a asesu komunidade ba servisu estadu
- Promove governasaun di’ak no transparénsia
- Fasilita dezenvolvimentu sosial no ekonómiku munisípiu
12. TAREFAS SERVISU BALKAUN ÚNIKU MUNISÍPIU COVALIMA
- Koordenadora Balkaun Úniku
- Lidera no koordena atividade hotu iha Balkaun Úniku.
- Organiza no distribui tarefa ba funsionáriu sira.
- Superviziona atendimentu públiku atu lao ho di’ak no efisiente.
- Halo relátoriu mensal no anual kona-ba progresu servisu.
- Koordena ho instituisaun governamentál sira ne’ebé integra iha Balkaun Úniku.Garante disiplina, pontualidade no etika servisu funsionáriu sira.
- Fó informasaun no orientasaun ba komunidade kona-ba servisu disponivel.
- Garante implementasaun regulamentu no prosedimentu administrativu.
2. Front Office (Atendimentu Publiku)
- Simu komunidade sira ho respeitu no profesionalismu.
- Fó informasaun kona-ba servisu no dokumentu nesesáriu.
- Halo rejistu no verifika dokumentu sidadaun.
- Orienta komunidade kona-ba prosedimentu servisu.
- Distribui formulariu no ajuda komunidade iha preensimentu dokumentu.Halo arkivu no organizasaun dokumentu.
- Halo relátoriu atendimentu loroloron no fulan.
- Mantein ordem no sistema fila atendimentu.
3. Motorista
- Kondus viatura ofisiál ba atividade servisu.
- Garante seguransa viatura no pasajeiru sira.
- Halo manutensaun básika viatura (limpeza, oliu, gasolina).
- Regista movimentu viatura iha livru logbook.
- Apoia transporte dokumentu ofisiál no ekipamentu.
- Kumpre regulamentu trafiku no instrusaun instituisaun.
- Prontu atu fó apoiu transporte ba atividade ofisiál.
4. Kliner (Limpeza)
- Halo limpeza diária iha edifísiu Balkaun Úniku.
- Mantein limpeza iha sala atendimentu, eskritóriu no hariis fatin.
- Organiza no tau arranjo material limpeza.
- Garante ambiente servisu ne’ebé mos no saudavel.
- Fo apoiu iha arrumasaun sala reuniaun no atividade ofisiál.
- Fó atensaun ba higiene no saneamentu iha fatin servisu.
- Kumpre oráriu servisu no instrusaun koordenadora.
Covalima, Janeiru 2026
Perfil Informasaun Balkaun Úniku ne’e prepara husi ekipa Balkaun Úniku Munisípiu Covalima hodi submisaun ba Pontu Vocal Portal Munisipiu Covalima no Autoridade Munisipal.
Dokumentasaun ba ema ho idade 60 tinan ba leten realiza tuir kategoria prioridade, hodi garante asesu ba atendimentu públiku