KAPELA SAUN JOÃO PAULO II IHA ALDEIA TUDILPO SUKU BECO KOMESA HALO ONA KONSTRUSAUN

COVALIMA, Tersa-Feira, 16 de Juñu 2026 – Munisípiu Covalima hala’o ona serimónia lansamentu hodi hatuur fatuk dahuluk ba konstrusaun Kapela Saun João Paulo II. Kapela ne’e sei harii iha Aldeia Tudilpo, Suku Beco, Postu Administrativu Suai.

Iha serimónia refere, Padre Pároku Suai hato’o ninia intervensaun no husu ba traballadór inklui komunidade sira hotu atu servisu ho:

Onestidade
Responsabilidade aas

“Ita tenke servisu hamutuk hodi garante kualidade no mós finaliza obra ne’e tuir tempu ne’ebé determina ona iha kontratu laran, katak durante fulan tolu (3),” dehan Padre Pároku.

Partisipasaun iha Serimónia

Serimónia solene ne’e hetan partisipasaun másimu husi autoridade lokál no komunidade sira, ne’ebé reprezenta husi:

Sekretáriu Munisipál ba Administrasaun no Finansas (reprezenta Prezidente Autoridade Munisípiu Covalima);
Padre Pároku Suai;
Administradór Postu Administrativu Suai;
Xefe Suku na’in lima (5) husi Postu Administrativu Suai;
Konsellu Suku no Estrutura PNDS Suku;
Fasilitadór Postu Administrativu Suai no Ekipa PNDS husi Munisípiu;
Komunidade sira husi suku lima ne’ebé involve iha projetu hamutuk sanulu (10).