COVALIMA — Iha loron-Segunda, 15 de Juñu 2026, Prezidente Autoridade husi Munisípiu rua, husi Prezidente Autoridade Munisípiu Covalima, Sr. Miguel Armada Cardoso, Lic.Eco, no Prezidente Autoridade Munisípiu Ainaro, Sra. Maria Georgina Carmo Bucar Corte-Real, Lic.Dez.Ekonomia, hala’o koordenasaun hamutuk iha terrenu.
Akompaña mós husi Administradór Postu Zumalai ho Ainaro, Komandante PNTL Zumalai, Polísia Suku, hamutuk ho parte empreza husi Kompañia COVEC. Prezensa iha terrenu refere, foka liu ba de’it hodi hala’o observasaun ba dreinazen no konstrusaun ponte kiik iha diresaun Webaba-Kasa. Atividade importante no urjente tebes hodi nune’e servisu infraestrutura ne’ebé on going hela labele fó impaktu negativu ka prejudika komunidade sira-nia natar fatin.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest
- Recardo Emilson Maria Moniz,L.Ec