📍 Suai, Covalima | 26 Agostu 2025
Sekretariadu Tékniku PNDS liu husi Departamentu Patrimóniu no Logístika, Diretór Nasionál Sr. Rogeiro Muakandala Manuel, hamutuk ho Diretór DSMA no Sekretáriu PIDI, loke ofisiál formasaun ba plataforma Sistema IDA ba PNDS iha salaun Postu Administrativu Suai, Munisípiu Covalima.
Iha mensajen loke ofisiál, Diretór Nasionál salienta katak formasaun ida ne’e mak pasu importante atu aumenta kapasidade funsionáriu PNDS munisípiu sira, hodi komprende no uza sistema IDA ba prosesu planeamentu, monitorizasaun no jestór programa PNDS, tuir prinsípiu efikásia no transparénsia.
Objetivu prinsipál:
Formador sira:
copyright.pontu_vocal@munisipiu.covalima.com/media oficer_SM-PNDS 2025
COVALIMA, Segunda-feira, 18 de Agostu 2025 – Vise-Ministru Administrasaun Estatál, Sua Ex. Sr. Jacinto Rigoberto Gomes de Deus, hamutuk ho Presidente Autoridade Munisípiu Covalima, Miguel Armada Cardoso, ofisialmente prezide serimónia Tomada de Posse no Juramentu Ajente Administrasaun Públika Foun na’in-49, iha Salaun Munisípiu Covalima.
Iha diskursu ofisiál, Vise-Ministru MAE hato’o agradesimentu ba Maromak tanba oportunidade atu halibur hamutuk iha momentu solenidade ida ne’e, no rekoñese Ajente foun na’in-49, Cidadáu Covalima, ne’ebé pasa ho susesu iha prosesu selesaun bazeia ba méritu, no agora hetan fiar atu halo servisu iha administrasaun públika.
“Juramentu solene ida-ne’e marka imi-nia kompromisu atu serbí nu’udar Ajente Administrasaun Públika ho lealdade, dedikasaun no integridade. Ita-boot sira prova ona imi-nia kapasidade liuhosi méritu, no ohin ita hahú imi-nia kna’ar nu’udar reprezentante di’ak Covalima nian, komprometidu atu serbí Estadu, Governu no povu,” subliña Vise-Ministru.
Vise-Ministru hatutan tan katak Covalima, hanesan munisípiu sira seluk, kontinua prepara ba dezenvolvimentu iha futuru, liu-liu liuhosi:
atu sustenta dezenvolvimentu desentralizasaun no estabelese podér lokál ne’ebé adapta ba realidade, kultura no nesesidade komunidade Timor nian.
Durante aktu solene, Ajente Administrasaun Públika foun sira jura atu tane aas Konstituisaun RDTL, obedese lei no regulamentu sira vigór, no hala’o funsaun públika ho responsabilidade, imparsialidade no kompromisu ba interese jeral.
Vise-Ministru fó mos hanoin ba ajente foun kona-ba importánsia atu kaer metin Kódigu Étika Funsaun Públika, ne’ebé ezije funsionáriu públiku sira atu tau interesse Estadu no povu aas liu kualkér interesse pesoál ka grupál.
Iha nia mensajen finál, Vise-Ministru hato’o parabéns ba ajente foun sira no enkoraja sira atu kontinua servisu ho fiar, disipliña no determinasaun:
“Parabéns ba ita-nia Ajente Administrasaun Públika foun na’in-49! Mai ita hotu la’o hamutuk ho fiar, disipliña, determinasaun no kompromisu metin atu hametin governasaun lokál no lori dezenvolvimentu ba ita-nia sidadaun sira.”
Serimónia solenidade ida ne’e hetan partisipasaun husi Komisáriu Funsaun Públika, Diretor Nasionál MAE, Xefe Departamentu, Diretores Servisu Munisipál, Amu Paróku, konvidadu dignu, funsionáriu no família ajente foun sira.
copyright://vical_point@municipio_covalimaportal_municipal Mídia Autoridade Munisípiu Covalima)
Autoridade Administrasaun Munisípiu Covalima, liu hosi Servisu Munisípal Proteksaun Sivil no Gestão Desastre Naturais (SMPCGDN), fo apoiu necessidades básikas ba familia vulnerável iha Aldeia Tabako Lot, Postu Administrativu Suai. Apoiamentu ne’e inklui distribuisaun ai-han no materiais esensiais seluk, hanesan parte integrál husi esforsu governu lokál atu garante seguransa alimentar no susténsia komunidade sira ne’ebé hetan afetasaun.
Covalima, 04 Agostu 2025 – Autoridade Munisípiu Covalima realiza serimónia Isar Bandeira Nasionál iha semana dahuluk fulan Agostu, hanesan momentu simboliku atu reforsa patriotismu, disciplina no unidade iha estrutura servisu públiku. Serimónia ne’e dirije husi Sekretáriu Administrasaun no Finansas (AF) iha resintu Administrasaun Munisípiu Covalima, ho objetivu fó ezemplu di’ak ba funsionáriu sira atu kontinua servisu ho responsabilidade, pontualidade no lealdade.
Fatumea, 04 Agostu 2025 – Iha kontinuidade preparativu ba prosesu eleisaun iha futuru, ohin loron, STAE (Sekretariadu Tékniku Administrasaun Eleisaun) hamutuk ho CNE (Komisaun Nasional Eleisaun) realiza sosializasaun no resenseamentu eleitoral ba sistema Biometriku iha Postu Administrativu Fatumea.
Atividade ne’e realiza iha sala reuniaun Postu Fatumea, ho partisipasaun ativa husi autoridade lokál no komunidade. Partisipante sira mak inklui:
• Administrador Postu Administrativu Fatumea
• Representante Veteranos/a,
• Sr. Diretor STAE,
• Sr. Diretor CNE,
• Komandante Eskuadra PNTL Postu Fatumea,
• Xefe Seksaun sira,
• Xefe Suku no Xefe Aldeia sira,
• no Membro Konsellu Suku/Aldeia.
Iha total, 30 pesoa partisipa iha atividade importante ida ne’e.
Introdusaun no Mensajen Husi Administrador Postu
Iha abertura, Administrador Postu Administrativu Fatumea fó mensajen abertura no motivasaun ba partisipante sira. Nia sublinhadu importansia sistema Biometriku atu garante dadus eleitoral sira ne’ebé presizu, transparente no seguru. Administrador Postu hateten:
“Ezisténsia dadus eleitoral ne’ebé atual no konfiável importante tebes ba prosesu eleisaun demokrátriku. Sosializasaun hanesan oportunidade atu hatene klaru kona-ba sistema foun Biometriku, no rezolve duvida sira. Hakarak aprezia partisipasaun husi lideransa lokal no komunidade, tanba ita hotu mak responsavel atu bele contribui ba prosesu eleisaun ida ne’ebé livre, justu no inkluzivu.”
Atividade tuir ho apreséntasaun husi STAE no CNE kona-ba implementasaun sistema Biometriku, benefísiu sira, no prosesu rejistu. Iha seguidu, realiza diskusaun interativa ho komunidade atu responde klarifikasaun no preocupasaun sira.
copyright.vocal_point.portal_munisipiu_covalima 2025
image’s :
Covalima, 01 Agostu 2025 – Presidente Autoridade Munisípiu Covalima Interinu, Excelentíssimo Sr. Filomeno Cardoso, akompana Sekretáriu Estadu Dezenvolvimentu Lokal (SEDL) atu ensera Formasaun Tékniku Lideransa ba Dirijente Munisipais 12 no Autoridade Administrativa Ataúru, ne’ebé realiza iha Munisípiu Covalima.
Formasaun ida-ne’e, organizadu husi Direção Jeral ba Simplifikasaun no Modernizasaun Administrasaun Lokál (DGSMAL), fó kontribuisaun importante ba kapasita lideransa munisipal, atu reforsa Rekursu Umanu, Governasaun Dezentralizadu no Parseria Estratéjiku ho organizasaun nasional, estrangeiru no internasionál.
Duránte loron lima, atividade ne’e envolve partisipasaun husi Diretores Servisu Munisipal, SMASA, Obras Públika, PDIM, no diretores sira mai husi munisipiu 12 inklui Autoridade Administrativa Ataúru. Formador sira maka hetan husi INAP, DNPFM no tékniku SMAL–MAE, ne’ebé partilha esperiénsia no konhesimentu ba lideransa lokál.
Iha loron 29 fulan Julhu 2025, Diretor Servisu Munisípal Administrasaun no Rekursu Umanu Munisípiu Covalima, Sr. José Manuel Gonçalves, partisipa iha Reuniaun Koordenasaun ho ekipamentu husi Koordenasaun Funsaun Públika (CFP), hamutuk ho Diretores SM-ARH husi Munisípiu Ainaro no Manufahi, no mós Diretores Servisu Munisípal seluk nian, inklui Diretur Servisu Delegasaun Teritoriál Manufahi.
Reuniaun refere fó atensaun ba preparativu no mekanismu implementasaun Teste Promosaun Grau ne’ebé sei realiza iha nivel munisípiu, hodi asegura koordenasaun efetivu, organizasaun teknika no garanti integridade prosesu selesaun.
copyright.vocal-point_Portal Munisipiu
Anexu Image’s :
Iha loron 28 fulan Julhu 2025, Prezidente Autoridade Munisípiu Covalima Interinu, Sr. Filomeno Cardoso, Lic. Eco., M.M., partisipa iha sorumutu ne’ebé hala’o ho téma:
“Troka Matenek konta mós ho ami Feto nia Papel, iha Atividade Apoiu Ekonomia Feto.”
Sorumutu ne’e parte husi ativadade Programa POWER, ne’ebé implementa ho apoíu husi Organizasaun Não-Governamental (ONG) World Vision Timor-Leste (WVTL). WVTL nudar parseiru dezenvolvimentu iha Timor-Leste hahu hosi tinan 2002, nia vizaun mak:
“Labarik Saudável no Foin Sa’e Empoderadu ba Komunidade Forte.”
Hodi atinji vizaun ida ne’e, WVTL fó prioridade ba setor estratéjiku hanesan Saúde, Edukasaun no Agrikultura, no programa POWER mós fó énfase ba empoderamentu feto liu husi asesu ba ekonomia no direitu.
________________________________________
Menzajen Prezidente Autoridade Munisípiu Covalima Interinu
Prezidente Autoridade Interinu Munisípiu Covalima, Sr. Filomeno Cardoso, iha nia intervensaun hato’o kontente no apreseadu ba organizasaun World Vision Timor-Leste, nudar parseiru dezenvolvimentu ne’ebé kontribui continuamente ba komunidade Covalima, liu-liu iha área agrikultura, edukasaun, saúde no agora mós ekonomi fóins ho Programa POWER.
Prezidente sublinha katak feto iha papel importante iha dezenvolvimentu sosio-ekonómiku, no partisipasaun feto iha ekonomia la’ós de’it fó impaktu ba renda familiar, maibé mós fó kontribuisaun relevante ba lideransa, igualdade jéneru no sustenta komunidade nian.
Husi loron ida ne’e, Prezidente Autoridade Munisípiu enkoraja feto benefisiáriu sira ne’ebé mai husi Postu Administrativo Fohorem, Tilomar no Zumalai, atu kontinua participa ho motivasaun iha formasaun sira no uza oportunidade hodi aprende oinsá jere no aplica apoíu ne’ebé simu husi programa. Feto tenke sai parte importante iha dezenvolvimentu iha nivel Suku, Postu no Munisípiu nian.
Ita nia lideransa lokal sei kontinua suporta iniciativa hanesan Programa POWER, ne’ebé fó espasu ba feto atu sai liider, emprendedora no kontribuidora atu hadia moris komunidade, halo rai ita moris ne’ebé igualitáriu no susténtavel ba gerasaun foun.
Objetivu
Objetivu prinsipal husi sorumutu ho téma “Troka Matenek konta mós ho ami Feto nia Papel, iha Atividade Apoiu Ekonomia Feto” mak:
1. Fó espasu ba feto atu partilha esperiénsia, matenek no desafiu sira iha prosesu empoderamentu ekonomiku.
2. Aumenta koñesimentu komunidade kona-ba papel importante feto iha ekonomia no lideransa lokal.
3. Motiva feto benefisiáriu atu kontinua jere ho efisiénsia apoíu ekonomiku ne’ebé hetan husi Programa POWER.
4. Reforça koordenasaun entre Autoridade Munisípiu Covalima no ONG World Vision Timor-Leste iha implementasaun programa ba nivel lokal.
________________________________________
Rezultadu Esperadu
1. Feto benefisiáriu sira sente motivadu no valoriza-an ba papel sira iha familia no komunidade.
2. Aumenta kapasidade feto sira iha jestaun finanseiru no lideransa komunidade.
3. Komunitáriu no lideransa lokal kompriende klaru kona-ba importancia feto iha dezenvolvimentu sosio-ekonómiku.
4. Reafirma relasaun parseira ne’ebé forte entre Autoridade Munisípiu Covalima ho World Vision Timor-Leste, no kompromezu komúm atu sustenta programa ne’e ba oin.
Meida Oficial SECAM-ASSOC, copyright.vocal_point.Portal-Munisipiu.Covalima 2025
Anexu Imane’s
Fatumea, 18 Jullu 2025
Iha loron 18 fulan Jullu tinan 2025, Autoridade Munisípal Covalima hamutuk ho Diretor Serviço Municipál Saúde realiza serimónia Lansamentu Fatuk Dahuluk ba konstrusaun Sentru Saúde Komunitária (SSK) foun iha Postu Administrativu Fatumea, Munisípiu Covalima. Atividade ida ne’e maka marka kumesa ofisiál ba projetu konstrusaun fatin servisu saúde foun iha área Postu Administrativu, Projetu ne’e mai Husi PDIM Servisu Munisipal munisipiu Covalima ho objetivu atu reforsa asesu komunidade ba kuidadu saúde primária no promosaun moris saudável.
Serimónia ne’e hetan partisipasaun husi:
• Administrador Postu Administrativu Fatumea,
• Sekretáriu Munisípal Asuntu Sosiáis no Organizasaun Komunitáriu,
• Sekretáriu Munisípal Administrasaun no Finansas,
• Reprezentante Seguransa Polísia (PNTL),
• Líder komunitáriu sira,
• No komunidade lokál iha Fatumea.
Lansamentu fatuk dahuluk simboliza ezisténsia kompromisu Governu no Autoridade Munisípal atu kontinua responde ba nesesidade komunidade iha área saúde. Projetu ida ne’e bele kontribui hodi hadia fasilidade kuidadu saúde, promove prevensaun moras, no garante servisu saúde ne’ebé apropriadu, inkluzivu no sustentável.
Copyright, Vocal Point Portal Munisipiu Covalima
Image’s :
Iha loron 17 fulan Jullu tinan 2025, Secretário Municipal dos Assuntos Sociais e as Organizações halo abertura ba enkontru kona-ba Programa Kuidadu Saúde Primária, ne’ebé realiza iha Munisípiu Covalima. Enkontru ida ne’e hetan partisipasaun husi Xefe SSK, Reprezentante EPS, no Inspetor Eskola husi Postu Administrativu hitu (7) iha Munisípiu Covalima.
Objetivu prinsipal husi enkontru ne’e hanesan:
Hadia kompreensaun komunidade kona-ba importancia edukasaun no saúde, liu-liu programa saúde primária;
Mobiliza estudante sira hodi aproxima-an ba fasilidade saúde iha comunidade;
Implementa kontinuamente programa SN5S inklui kuidadu saúde primária no hadia asesu ba servisu saúde ba labarik sira iha Eskola;
Halo advokasia atu fortifika ligasaun entre komunidade no sistema saúde hodi sustenta implementasaun servisu saúde ne’ebé apropriadu no sustentável.
Haktuir objetivu sira ne’e, Secretário Municipal dos Assuntos Sociais e as Organizações (Sr. Filomeno Cardoso, Lic.Eco., M.M) fó agradecimento ba Ministério Saúde, liu husi parseiru no ekipa Servisu Saúde Munisípiu Covalima, tan ba kontinuidade programa ida ne’e iha komunidade, liu-liu ba labarik no juventude sira ne’ebé eskola iha nível Pré-eskolár no Ensinu Báziku iha Munisípiu Covalima.
Ko’alia kona-ba saúde nu’udar parte importante iha ita moris lor-loron, programa saúde primária fo asesu ba imunizasaun, nutrisaun, prevensaun moras, no kuidadu ba labarik sira. Programa SN5S bele fó kontribuisaun ba moris saudável ba labarik sira iha eskola, no bele aumenta konsientizasaun komunidade kona-ba saúde públika.
Mensajen Secretário Municipal dos Assuntos Sociais e as Organizações
Hau, nu’udar Sekretáriu Asuntu Sosiál no representante Organizasaun Komunitáriu, hakarak hato’o mensajen agradesimentu no motivasaun ba ita hotu, liu-liu ba partisipante sira iha enkontru importante ida ne’e kona-ba Programa Kuidadu Saúde Primária iha Munisípiu Covalima.
Saúde primária nu’udar base fundamentál ba dezenvolvimentu komunidade. Programa ne’e sei ajuda ita atu kompriende liu tan importância edukasaun no asesu ba servisu saúde, mobiliza estudante sira ba fasilidade saúde, promove nutrisaun no imunizasaun ba labarik sira, no reforsa relasaun entre komunidade no sistema saúde hodi fó garantia servisu saúde ne’ebé apropriadu no sustentável.
Ami agradese barak ba Ministério Saúde, no ekipa Servisu Saúde Munisípiu Covalima, tan ba apoio no kolaborasaun atu programa ida ne’e bele kontinua iha komunidade, liu-liu ba labarik no juventude sira ne’ebé hela iha Eskola nível Pré-eskolár no Ensinu Báziku.
Hau fiar katak, ho partisipasaun ativa husi ita hotu, programa ne’e sei iha impaktu boot ba komunidade. Halo liman hamutuk, atu bele garante moris saudável, edukadu no pleno ba gerasaun foun iha Covalima.
Obrigadu barak. Viva Saúde Primária! Viva komunidade Covalima!
Media: Secam-Asoc
Editing by : copyright.Vocal-Point Municipal Covalima
Image’s
© 2025 Autoridade Municipal de Covalima
