Rezultadu husi Monitorizasaun ba atividades Programa Merenda Eskola
Introdusaun
Monitorizasaun hanesan asesmentu periodika ida ba atividade sira husi programa ida hodi determina progresu no la’o tuir planu ka lae. Iha tempu hanesan mos bele produs informasaun / referénsia importante sira hodi bele foti desizaun polítika administrativa, desizaun tékniku sira, nst.
Monitorizasaun : Hanesan aktividade ida atu kolekta informasaun nesesáriu sira ne’ebé bele ajuda hodi hatan lia mahusuk ka perguntas importante sira konaba implementasaun atividade ne’e nia progresu tuir meta no oinsa atu determina objetivu aprosimasaun tékniku sira atu kontinua mantein, ajusta, modifika no reaplika iha periudu tuir mai.
Monitorizasaun mos fornese informasaun ba jestor sira no prosesu sira liu husi feedback kontinua konaba implementasaun atividades no indikasaun sedu konaba progresu, problema / obstakulu / limitasaun hodi bele fasilita lalais ajustamentu no modifikasaun ba operasaun / implementasaun atividades.
Monitorizasaun mos bele ajuda hodi determina katak rekursu sira ne’ebé iha sufisiente ona no utilizadu ka lae? Kapasidade sufisiente no apropriadu ka lae? Implementa duni tuir saida mak ita planu tuir matadalan ka lae?
Informasaun sira ne’ebé hetan husi monitorizasaun presija rearanja, tau hamutuk
no analiza atu nune’e bele fo resposta ba pergunta sira hanesan tuir mai:
- Saida mak sira implementa los/diak no to’o ona iha nebe?
- Saida mak sira implementa sala / latuir planu / matadalan
- Sa mudansa / diferensia mak sira hetan ona?
- Saida mak persiza hadia /modifika/ajusta no oinsa?
Resposta ba pergunta sira iha leten ita sei hetan iha informasaun sira tuir mai, ne’ebe dokumentu ami anexa!