Tilomar, 12 Juñu 2026 – Administradór Postu Administrativu Tilomar, Sr. Venancio Sarmento, Lic.Ed, hala’o observasaun direta ba projetu konstrusaun Postu Saúde foun iha Suku Casabauk, Postu Administrativu Tilomar, Munisípiu Cova Lima. Iha observasaun ne’e, parte empreza Lifran foka hela ba atividade hamoos no limpeza hodi nune’e prepara ba serimónia tau fatuk dahuluk nian.
Iha fatin hanesan, Administradór Postu Tilomar espresa ninia sentimentu orgullu, apresiasaun, no agradesimentu boot ba programa Nounu (9.º) Governu Konstitusionál. Tuir nia, dezenvolvimentu ne’e hanesan pasu boot ida ne’ebé hodi responde ba nesesidade bázika komunidade nian.
Hospitál ka Postu Saúde ida-ne’e sei hari’i mós specifically iha Aldeia Kawa Uman, Suku Casabauk. Dezde Timor-Leste ukun an, komunidade hamutuk rihun rua (2,000) resin iha área ne’ebá sempre hasoru preokupasaun boot kona-ba asesu ba konsultasaun/kura-moras. Durante ne’e, populasaun sira husi Suku refere, tenke la’o ain kuajé kilómetru haat (4 km) hodi bá de’it Sentru Saúde Salele. Komunidade hotu sente haksolok tebes tanba, maski hosi governu sira troka malu ona, foin de’it iha mandatu 9.º Governu nian mak planu konstrusaun ne’e konsege realiza.
Nota katak, Postu Administrativu Tilomar ne’ebé kompostu husi suku haat (4)—hanesan Suku Maudemo, Lalawa, no Beiseuc—durante ne’e asesu ona kobertura saúde ho diak. Suku Casabauk nudar suku ikus ne’ebé foin simu fali oportunidade boot ida-ne’e hodi asegura katak sidadaun hotu iha Tilomar bele hetan asesu ba saúde ho ekunomiku no dignu.
Pontu Vokal Portal Munisipal Munisipiu Covalima:
- Marcos Gusmão, Lic.Eco, M.Gest