TILOMAR, 19 Agostu 2026 — Administrador Postu Administrativu Tilomar, Sr. Venancio Sarmento, L.Ed, ho ofisiál lidera enkontru sosialisasaun konaba implementasaun Lei Tarabandu ne’ebé tuir planu sei realiza iha tempu badak nia laran.
Sorumutu servisu ne’e hetan partisipasaun masimu husi autoridade no parte relevante sira iha Munisípiu Covalima. Iha sorumutu ne’e, marka prezensa husi Ekipa Sentru Juventude Covalima (CJC), Komandante Eskuadra PNTL Tilomar, Komandante Unidade Patrullamentu Fronteira (UPF), Komandante Kompanhia Charlie Munisípiu Covalima, Autoridade Lokál sira, no mós Funsionáriu sira husi Postu Administrativu Tilomar.
Abertura no sorumutu ne’e ho objetivu atu hamutuk ho komunidade no estrutura munisipal hodi halo preparasaun ne’ebé di’ak ba implementasaun Lei Tarabandu, hodi nune’e bele mantein estabilidade, kultura, no ordem públika iha Postu Administrativu Tilomar.
Pontu Fokal Portal Munisipal Munisipiu Covalima