COVALIMA, 15 Agostu 2026 — Administradór Postu Administrativu Tilomar, Sr. Venancio Sarmento, Lic. Ed, hamutuk ho funsionáriu Postu Administrativu Tilomar, marka prezensa no partisipa ativa iha seremónia lansamentu fatuk dahuluk ba projetu Konstrusaun Eskema Irrigasaun Maucola–Lomea, ne’ebé kobre no situa iha Munisípiu Covalima.
Seremónia dahuluk ne’e simu honra boot tanba lansa liuhusi intervensaun direta husi Éselensia Primeiru-Ministru Repúblika Demokrátika Timor-Leste, Kay Rala Xanana Gusmão.
Akonpaña mós husi membru Governu na’in-hira, ne’ebé komposta husi:
- Ministro Agrikultura, Pekuária no Peska
- Ministru Kombatentes Libertasaun Nasionál
- Ministru Obras Públikas
- Vise-Ministru Obras Públikas
- Sekretáriu Estadu Dezenvolvimentu Lokál
- Sekretáriu Estadu Floresta
- Sekretáriu Estadu Komunikasaun Sosiál
- Sekretáriu Estadu Asuntu Toponímia no Organizasaun Urbana
- Sekretáriu Estadu Terras no Propriedade
Eventu solene ne’e hatudu apoiu boot husi autoridade munisipál sira, parseiru sivíl no militár, lidun no lideransa komunitária sira, hamutuk ho entuziasmu husi estudante sira iha rejiaun refere.
Projetu konstrusaun irrigasaun ne’e sai hanesan matan-bee no pasu estratéjiku ida hodi hametin fali sekór agrikultura, hasa’e produtividade kumpu no to’os, no fo kualidade moris agrikultór sira nian iha Munisípiu Covalima.
Pontu Fokal Portal Munisipal Munisipiu Covalima