COVALIMA, 21 Agostu 2026 — Atu kria ambiente negósiu ne’ebé moos, saudavel, no konfortável ba negosiante no sosa-na’in sira, Autoridade Munisípiu Covalima realiza fila fali atividade limpeza jeral iha área Merkadu Suai, Sesta ne’e.
Atividade rutina ne’ebé baibain la’o kada loron Sesta feira, hetan duni orientasaun no matadalan direta husi Exmo. Prezidente Autoridade Munisípiu Covalima, Sr. Miguel Armada Cardoso, Lic.Eco.
Lideransa másima no funsionáriu sira hatudu ezemplu di’ak liu husi partisipasaun masimu. Partisipa servisu hamutuk ne’e, kompostu husi Prezidente Autoridade Munisípiu, Sekretáriu Administrasaun no Finansas, Diretur Servisu Munisipal sira, Diretur Delegasaun Territoriál, Xefe Departamentu hotu-hotu, hamutuk ho funsionáriu sira iha estrutura Autoridade Munisípiu Covalima nian.
Atividade limpeza jeral ne’e fó ho objetivu hotu atu asegura katak fatin meiu-ambiente merkadu nian nafatin moos no furak, nune’e fasilita transasaun komersiál ho di’ak no ho seguru ba meiu-ambiente no saúde publika.
Pontu Fokal Portal Munisipal Munisipiu Covalima