𝐂𝐎𝐕𝐀𝐋𝐈𝐌𝐀, 𝟐𝟒 𝐀𝐠𝐮𝐬𝐭𝐮 𝟐𝟎𝟐𝟔

Sekretaria Estadu ba Komunikasaun Sosiál (SECOMS) liu hosi Diresaun Nasionál Formasaun Téknika iha Komunikasaun (DNFTC) hala’o formasaun hakerek imprensa ba funsionáriu públika hosi diresaun servisu munisipál 20 no Media PAM ne’ebe eziste iha Autoridade Munisípiu Covalima.  

Formasaun ne’e sei hala’o durante loron 5 iha salaun administrasaun Munisípiu Covalima no total formandu hamutuk ema 22, mai husi Diresaun Servisu Munisipál 20 ne’ebe eziste iha Autoridade Munisípiu Covalima.

Iha okaziaun ne’e Director DNFTC Sr. Rafael da Silva Freitas hato’o ninia diskursu ami nia prezensa iha tinan ida ne’e ho objetivu atu kapasita no hasa’e abilidade funsionariu ne’ebé hakanar aan iha area media, espera durante loron lima nia laran formandu sira bele aprovieta materia haat hanesan hakerek imprensa, jornalizmu institusionál, Foto Jornalizmu no Téknika hakerek testu diskursu.  

Nune’e mos, reprezenta PAM Xefe Gabinete Sr. Sergio Moniz da Cunha husu ba formadu sira atu esfosu a’an hodi akapta materia ne’ebé iha, tamba materia hirak ne’e pertinenti tebes. Xefe Gabinete mos reforsa tan, atu sai jornalista diak ida, tenke honestu, responsablidade no imparsial.

Akresenta mos husi Diretor-Jerál SECOMS, Florindo da Costa Iha nia diskursu husu  formandu sira uza oportunidade didiak durante loron 5 nia laran, husu atu pasensia, hatudu vontade diak no entusiassmu. Nia mos subliña tan katak  formasaun ne’e sei fó koñesimentu teóriku no prátika ba partisipante sira, nune’e sira bele sai matenek liután ba foti informasaun no transforma ba notísia ne’ebé fasil atu lee husi sosiedade no media sira.

Depois termina diskursu Diretor-Jerál SECOMS, Florindo da Costa, Director DNFTC Sr. Rafael da Silva Freitas no reprezenta PAM Xefe Gabinete Sr. Sergio Moniz da Cunha fahe kedas modul ba formadu nain rua ne’ebé reprezenta entre formandu 22.