Tilomar-11 de Novembru 2026, Administrador Postu Administrativu Tilomar Sr.Venancio Sarmentu L,Ed realiza enkontru hodi halao preparasaun ba komemorasaun loron proklamasaun da independensia ba dala 51.
Iha okaziaun ida ne’e partisipa mos hosi komandante F-FDTL Postu Tilomar Sr. Johanes Sila Komandante PNTL equadra Salele Sr. Arcanjo Doutel Sarmento,Veterano Postu Tilomar Sr. Marcelo de Jesus A. Mau, Segundu Komandante UPF Kompaña Carlie Cassabauc Sr. Marciano de Andrade, Diretor EBC Fohobua Sr. Bento do Nacimento, Reprezentante Diretor ESGP filial de Salele Sr.Julito Lay Gomes, Reprezentante Diretor ESTV Salele Sr. Frederikus Lopes Loe, Lideransa komunitaria Suku sira no mos Funsionario Postu. Atividade refere realiza iha Salaun Interna Postu administrativu Tilomar.
Fontes :
IT Postu Tilomar
COVALIMA, 13 Novembru 2026, Autoridade Munisipál Covalima, liu hosi Servisu Munisipál Finansas, realiza reuniaun Avaliasaun Taxa Ezekusaun Orsamentu Q1,Q2 no Q3 Janeiru-Setembru tinan 2026, ne’ebé abertura husi Presidente Autoridade Munisípiu Covalima, Sr. Miguel Armada Cardoso, iha salaun Administrasaun.
Partisipa hosi, Sekretáriu Administrasaun Finansas, Sekretariu Munisipal Interinu Planeamentu Investimentu Dezenvolvimentu Integradu, Diretores Servisu Munisipais, Xefe Departamentu Finansas, Pontu Fokal Finansas, Administrador Postu Administrativu 7, Xefe Servisu Lokal Finansas, Asesor PARTISIPA ho ekipa.
Média PAM Covalima
Tilomar- 11 Novembru 2026.
Administrador Postu Administrativu Tilomar Sr. Venancio Sarmentu, Lic.Ed Hamutuk Komandante Eskuadra PNTL Postu Tilomar Sr Arcanjo Doutel Sarmentu, Segundu Comandante F-FDTL Postu Tilomar Sr. Marciano de Andrade., Membru komite 12 de Novembru Sr. Manuel Barbosa ‘Mameran’, Reprezenta Konsellu Kombatente Libertasaun Nasionál (CCLN) Postu Tilomar Sr. Carlos Barreto
realiza Seminar Ho Tema “Ho Espiritu 12 de Novembro Lori Ita Hamutuk Harii Paz no sai Autor ba Dezenvolvimentu Sustentavel“, ho ojektivu Habelar istória 12 Novembru 1991 ba Estudante sira, Hametin espiritu patriotizmu no Motiva juventude atu trasforma mentalidade komfrontativa ba iha mentalidade kooperativa.
Seminariu ida ne’e partisipa mazimu hosi Estudante EBC Salele, Estv Claret Salele,SGP Salele, Partisipa no Funsioanriu Postu sira. Atividade refere realiza iha salaun Postu Postu Administrativu Tilomar.
Fontes :
IT Postu Tilomar
Portal Munisipál
Covalima, 11 Novembru 2026 — Munisipál Covalima liu husi Diresaun Servisu Munisipál Obras Públikas (SMOP) daudaun ne’e na’in ba ezekusaun projetu konstrusaun Fatin Estasionamentu Públiku iha Suku Debos, Postu Administrativu Suai, Munisípiu Covalima, ne’ebé hetan ona progresu fisiku to’o pursentu 52,3%.
Projetu ne’e finansia husi alokasaun orsamentu Bens e Serviços ho montante totál $42.884,35. Obra ne’e hahú ezekuta husi loron 05 Setembru 2026 no prevee sei konklui no entrega ba públiku iha loron 05 Dezembru 2026.
Ezekusaun iha terenu entrega kompletu ba kompañia União Suai Dame, ne’ebé lidera husi Sr. Agostu Hendrique hanesan Diretór Ezekutivu.
Iha entrevista ho Xefe Departamentu Gestão Ekipamentus Colectivos, Sr. Rui Lopes, Lic. Tec, nia esplika katak projetu ne’e la’o tuir padraun tékniku no hetan Supervizaun rigoroza.
“Projetu konstrusaun estasionamentu públiku ne’e hetan responsabilidade máximu husi enjeñeiru tékniku SMOP na’in rua no apoiu husi traballadór na’in 10 hodi garante kualidade no tempo ne’ebé determinadu,” dehan Sr. Rui Lopes Lic. Tec.
Konstruksaun fatin estasionamentu públiku ne’e halo atu fasilita movimentu veíkolu sira iha sidade laran, organiza espásu públiku sira ho di’ak liu tan, no fó seguransa ho konfortu ba komunidade no motorista sira iha Munisípiu Covalima, liu-liu iha Suku Debos no Suai laran tomak.
Pontu Fokal Portal Munisipal Munisipiu Covalima
COVALIMA – 06 Outubro 2026, Prezidente Autoridade Munisípiu Covalima, Sr.Miguel Armada Cardoso, reuniaun ho Superintendente Edukasaun no Diretór Eskola Bázika Central hamutuk 24, kona-ba Avaliasaun Konsultasaun Auditoria Internál ba Programa Konsensoes Eskolár.
Média PAM Covalima
MALAKA, 30 Outubru 2026 — Autoridade Munisipál Covalima, liuhusi Prezidente Autoridade Munisípiu (PAM) Covalima, Sr. Miguel Armada Cardoso, LIC. ECo akompaña husi Sekretáriu Munisipál ba Asuntu Sosiál, Sr. Filomeno Cardoso, hamutuk ho komitiva, partisipa iha selebrasaun Misa ikus no prosesaun boot ba Inan Maria Na’in Feto Malaka, iha Rejiaun Malaka, Indonézia.
Selebrasaun relijioza ne’e hahú ho prosesaun (perarakan) boot hodi lori Estátua Na’in Feto husi Igreja Parókia Santa Maria Imaculada Betun to’o iha Gruta de Lourdes Tubaki. Durante prosesaun ne’e, PAM Covalima hamutuk ho komitiva no sarani sira husi Suai la’o hamutuk ho sarani lokál sira hodi hatudu sira-nia devosaun no fiar metin ba Inan Maria, molok kontinua ho selebrasaun Misa Eukaristia iha área Gruta nian.
Além de partisipa iha prosesaun, komitiva no sarani sira husi Suai mós envolve-an diretamente hodi hananu hamutuk iha kantu komuniaun nian durante selebrasaun Eukaristia no prosesaun ne’e la’o.
Selebrasaun tinan ne’e lori tema: “Malaka dalam Pelukan Ina Maria Nain Feto Malaka 1958–2026: Perarakan Positif, Perarakan Sukses”. Partisipasaun komunidade husi Timor-Leste iha eventu ne’e hatudu la’ós de’it lasu espirituál, maibé sai mós hanesan momentu importante hodi hametin fraternidade, solidariedade, no relasaun amizade entre povu iha área fronteira rua (Timor-Leste no Indonézia).
Iha oportunidade ne’e, Prezidente Autoridade Munisípiu Covalima, Sr. Miguel Armada Cardoso, haktuir katak vizita no partisipasaun ida-ne’e sai nu’udar ponte importante hodi hametin liután lasu sosiál, kulturál, no espirituál entre Munisípiu Covalima no Rejiaun Malaka.
Partisipa mós iha delegasaun Autoridade Covalima nian mak hanesan:
Fontes: Média PAM Covalima & Média Portal Munisipál Munisípiu Covalima
Covalima – 29 Outubro 2026, Autoridade Munisipál Covalima liu husi Prezidente Autoridade Munisípiu Covalima, Sr.Miguel Armada Cardoso realiza Reuniaun Konsellu Koordenasaun Munisipál, iha Salaun Autoridade Munisípiu Covalima.
Reuniaun Konsellu Koordenasaun Munisipál ne’e kada fulan Autoridade Munisípiu hala’o, ho objetivu atu hatene progresu servisu no problema sira ne’ebé kada servisu Munisipál no territoriál hasoru, ohin loron ita diskute liu kona-ba Servisu Munisipál Terras e Propriedade no Servisu Delegasaun Territoriál nia progresu servisu oinsá atu mellora ida di’ak nia servisu di’ak liu iha futuru.
Iha reuniaun ne’e Diretor Terras e Propriedade Aprezenta matéria kona-ba Persentajen husi sistema arendamentu ba propriedade públiku hodi kontribui ba reseita munisipál.
Aprezentasaun Reseitas Munisipál Inisiu tinan 2024 até fiskál 2025, aprezenta husi Koordenadór SERVE IP. No Aprezentasaun Reseitas Veikulu Munisipál Inisiu tinan 2024 to fiskál 2025 no planu estasionamentu, aprezenta husi Diresaun Nasionál Transportes Terrestres (DNTT).
Reuniaun ne’e hetan partisipa másimu husi Asesores Gabinete, Diretores Servisu Munisipál 20, Diretores Servisu Delegasaun Territoriál Autoridade Postu Administrativu Hitu (7) Xefe suku.
Covalima, 19 Outobro 2026, Autoridade Munisipiu Covalima liu hosi Komisaun Jestaun Desastre Munisipal (KJDM) fo apoiu Emergensia ba Familia afeitadu Ahi han uma iha Aldeia Quiar, Suku Matai, Postu Administrativu Maucatar, Munisipiu Covalima
𝐒𝐞𝐱𝐭𝐚 𝐟𝐞𝐢𝐫𝐚, 𝟎𝟗 𝐎𝐮𝐭𝐮𝐛𝐫𝐮 𝟐𝟎𝟐𝟔—Ministeriu Administrasaun Estatal (MAE) liu husi representante DGSMAL, Diretor Nasional Simplifikasaun Administrativa no plataforma Eletronik (DNSAPE) Benedito Escorial Fernandes, lidera reuniaun hamutuk ho pontos Focais Munisipiu sira, kona-ba aktividade refreshing training ba pontos facais portal Munisipal sanulu resin rua inklui Autoridade Administrativu Atauro.
Enkontru ne’e partisipa direita husi pontos vocais husi Munisipius, xefe departamentu, no ekipa teknika sira iha salaun VIP MAE.
Refereshing training ne’e mak atu hafoun fali konesimentu ka hadia kabilidade sira hodi garante koordenasaun ne’ebe diak liu tan iha implementasaun programa sira husi knar ne’ebe sira responsabiliza iha nivel Munisipius.
Refreshing training ne’e hanesan pasu positivu ida ne’ebe, bele eleva liu tan kapasidade pontos focais sira atu atualiza, verifika, no submete dadus portal Munisipal nian ho pontual no bazea ba formatu ne’ebe loos tuir SOP ne’ebe iha atu nune’e bele garante liu tan servisu portal Munisipal iha munisipiu ida idak, bele la’o ho diak liu tan iha tempu tuir mai.
Medi@Mae_2026
Portal Covalima
Medi@Mae_2026
Portal Covalima
Covalima, 06 Outubru 2026 – Autoridade Munisipál Covalima liu hosi Gabinete Apoiu Tékniku Presidente Autoridade Munisípiu Covalima hamutuk ho PARTISIPA organiza formasaun kona-ba abordajen jéneru, lideransa, no desentralizasaun podér lokál ba feto potensiál hamutuk na’in-25.
Objetivu prinsipál husi formasaun ne’e atu kapasita no prepara feto lideransa sira-nia koñesimentu hodi hein implementasaun desentralizasaun no podér lokál iha Munisípiu Covalima.
Formasaun ne’e fasilita hosi Programa Apoiu Dezenvolvimentu (PARTISIPA) ne’ebé hala’o durante loron rua, abertura hosi Prezidente Autoridade Munisípiu Covalima, Sr.Miguel Armada Cardoso, iha salaun Sentru Juventude.
© 2026 Covalima Municipal Authority
